InternationalLatest
എയര് ആംബുലന്സ് വിമാനം തകര്ന്ന് നാല് മരണം
അബുദാബി : യുഎഇയില് ഡ്യൂട്ടിക്കിടെ എയര് ആംബുലന്സ് വിമാനം തകര്ന്ന് നാല് പേര്ക്ക് ദാരുണാന്ത്യം അബുദാബി പൊലീസാണ് വിവരമറിയിച്ചത്. രണ്ട് പൈലറ്റുമാരും ഡോക്ടറും നഴ്സുമാണ് അപകടത്തില് മരിച്ചത്. പൈലറ്റ് ട്രെയിനര് ഖമീസ് സഈദ അല് ഹോളി, ലഫ്റ്റനന്റ് പൈലറ്റ് നാസര് മുഹമ്മദ് അല് റാഷിദി എന്നിവരാണ് ജീവന് പൊലിഞ്ഞ മറ്റു പൈലറ്റുമാര്.
വിമാനത്തില് ഡ്യൂട്ടിയിലുണ്ടായിരുന്ന ഡോക്ടര് ഷഹിദ് ഫറൂഖ് ഘോലം, നഴ്സ് ജോയല് ക്വിയി സകാര മിന്റോ എന്നിവരും മരിച്ചതായി അബുദാബി പൊലീസിന്റെ ഔദ്യോഗിക ട്വീറ്റില് വക്തമാക്കുന്നു. മരണത്തില് അഗാധമായ ദുഃഖമുണ്ടെന്നും അനുശോചനം അറിയിക്കുന്നതായും പൊലീസ് കൂട്ടിച്ചേര്ത്തു.