![“Manju”](https://santhigirinews.org/wp-content/uploads/2020/04/YOUTUBE.jpg")
കോഴിക്കോട്: പതിനഞ്ചു മയക്ക് മരുന്ന് ഗുളികകളുമായി യുവതി കോഴിക്കോട് പിടിയില്‍. ചേവായൂര്‍ സ്വദേശി ഷാരോണ്‍ വീട്ടില്‍ അമൃത തോമസി (33)നെയാണ് ഫറോക്ക് റെയ്ഞ്ച് എക്സൈസ് പിടികൂടിയത്. വിപണിയില്‍ ഏഴ് ലക്ഷം രൂപ വില വരുന്ന ഗുളികകളാണ് ഇവ. രഹസ്യവിവരത്തെ തുടര്‍ന്ന് നടത്തിയ വാഹന പരിശോധനയിലാണ് മീഞ്ചന്ത ബൈപ്പാസില്‍ വെച്ച്‌ അമൃത തോമസ് പിടിയിലായത്.
ഗോവയില്‍ നിന്നാണ് മയക്കുമരുന്ന് കേരളത്തിലെത്തിച്ചതെന്നും നിശാപാര്‍ട്ടികളിലും മറ്റും ലഹരി ഗുളിക ഇവര്‍ എത്തിക്കുന്നതായും എക്സൈസ് അറിയിച്ചു. ഇന്‍സ്പെക്ടര്‍ കെ സതീശന്‍, എക്സൈസ് പ്രിവന്റീവ് ഓഫീസര്‍മാരായ സി പ്രവീണ്‍ ഐസക്ക്, വി പി അബ്ദുള്‍ ജബ്ബാര്‍ പരിശോധനയില്‍ പങ്കെടുത്തു.
