ചണ്ഡീഗഢ്: കല്ക്കരി ക്ഷാമത്തെ തുടര്ന്നുണ്ടായ പ്രതിസന്ധിയെത്തുടര്ന്ന് മൂന്ന് താപവൈദ്യുത നിലയങ്ങള് അടച്ചുപൂട്ടേണ്ടി വന്നെന്ന് പഞ്ചാബ് സര്ക്കാര്. കല്ക്കരി ക്ഷാമത്തെ തുടര്ന്ന് മൂന്ന് പ്ലാന്റുകളും സാങ്കേതിക പ്രശ്നങ്ങളെ തുടര്ന്ന് രണ്ട് പ്ലാന്റുകളും അടച്ചുപൂട്ടാന് നിര്ബന്ധിതരായെന്ന് മുഖ്യമന്ത്രി ചരണ്ജിത്ത് സിങ് ചന്നി പറഞ്ഞു.
പ്രതിസന്ധി പരിഹരിക്കാന് കേന്ദ്രസര്ക്കാര് ഇടപെടണം. ഏതാനും ദിവസങ്ങള്ക്കുളളില് സംസ്ഥാനത്തെ കല്ക്കരി സ്റ്റോക്ക് തീരും. പഞ്ചാബിനുള്ള കല്ക്കരി വിതരണം വര്ധിപ്പിക്കണമെന്നും അദ്ദേഹം ആവശ്യപ്പെട്ടു.