![“Manju”](https://santhigirinews.org/wp-content/uploads/2020/04/YOUTUBE.jpg")
ഭോപ്പാല്‍: സംസ്ഥാനത്തെ വിവിധ മത്സരപരീക്ഷകളില്‍ പങ്കെടുക്കുന്ന ഉദ്യോഗാര്‍ത്ഥികള്‍ക്കായി സൗജന്യ പരിശീലനം സംഘടിപ്പിക്കുമെന്ന് യുപി മുഖ്യമന്ത്രി യോഗി ആദിത്യനാഥ്. ഈ വര്‍ഷം ആദ്യമാണ് മുഖ്യമന്ത്രി ഇത് പ്രഖ്യാപിച്ചത്. അതിനായി വിവിധ ബാച്ചുകളുടെ രജിസ്ട്രേഷന്‍ ഈ വര്‍ഷം ഏപ്രില്‍ മാസം മുതല്‍ ആരംഭിക്കുകയും ചെയ്തിരുന്നു. യുപി സ്ഥാപിത ദിനമായ ജനുവരി 24 ന്, ‘മുഖ്യമന്ത്രി അഭ്യുദയ് യോജന ‘ എന്ന പദ്ധതിക്ക് കീഴിലാണ് സൗജന്യ പരിശീലന പരിപാടി പ്രഖ്യാപിച്ചത്. ഓഫ്‍ലൈന്‍, ഓണ്‍ലൈന്‍ ക്ലാസുകളില്‍ പങ്കെടുക്കാന്‍ ആഗ്രഹിക്കുന്നവര്‍ക്ക് ഒക്ടോബര്‍ 20 വരെയാണ് അപേക്ഷിക്കാന്‍ സാധിക്കുക.
ഗ്രാമത്തിലെ കുട്ടികള്‍ക്കും താഴ്ന്ന വരുമാനമുള്ള വീട്ടിലെ കുട്ടികള്‍ക്കും സിവില്‍ സര്‍വ്വീസ് ,ജെഇഇ, നീറ്റ്, എന്‍ഡിഎ, സിഡിഎസ് മുതലായ മത്സരപരീക്ഷകളില്‍ യോഗ്യത നേടാന്‍ സാധിക്കാറില്ല. കഴിവുളളവരും കഠിനാധ്വാനികളുമായിരുന്നിട്ടും അവര്‍ക്കാവശ്യമായ പഠനസാമഗ്രികളും പരിശീലനങ്ങളും ലഭിക്കാത്തതാണ് ഇതിന് കാരണം.
വിവിധ മത്സരപരീക്ഷകളുമായി ബന്ധപ്പെട്ട എല്ലാ ഡിജിറ്റല്‍ പഠനസാമഗ്രികളും ലഭ്യമാകുന്ന ഇ -ലേണിംഗ് പ്ലാറ്റ്ഫോം ആണ് മുഖ്യമന്ത്രി’ അഭ്യുദയ് യോജന’. ഐപിഎസ്, ഐഎഎസ്, ഐഎഫ്‌എസ് എന്നീ മേഖലകളിലെ വിദഗ്ധരുടെ മാര്‍ഗനിര്‍ദ്ദേശങ്ങള്‍ വെര്‍ച്വലായാണ് ഉദ്യോഗാര്‍ത്ഥികളിലേക്ക് എത്തിക്കുന്നത് .
