InternationalLatest
അന്താരാഷ്ട്ര കാലാവസ്ഥാ ഉച്ചകോടിയില് റഷ്യന് പ്രസിഡന്റ് പങ്കെടുക്കില്ല
മോസ്കോ: അന്താരാഷ്ട്ര കാലാവസ്ഥാ ഉച്ചകോടി (സിഒപി26)യില് റഷ്യന് പ്രസിഡന്റ് വ്ലാദിമിര് പുടിന് പങ്കെടുക്കില്ല. കാലാവസ്ഥാ വ്യതിയാനം നിയന്ത്രിക്കുന്നതിനു നടപടികള് ആലോചിക്കാന് ചേരുന്ന സുപ്രധാന ഉച്ചകോടിക്കു വലിയ തിരിച്ചടിയാണിതെന്നാണ് വിലയിരുത്തല്.
ഫോസില് ഇന്ധനങ്ങള് ഉത്പാദിപ്പിക്കുന്ന രാജ്യങ്ങളിലൊന്നാണു റഷ്യ. പുടിന്റെ പിന്മാറ്റത്തിന് റഷ്യന് അധികൃതര് കാരണങ്ങളൊന്നും നിരത്തിയിട്ടില്ല. ചൈനീസ് പ്രസിഡന്റ് ഷി ചിന്പിംഗും ഉച്ചകോടിയില് പങ്കെടുക്കുന്ന കാര്യം സംശയമാണ്. സ്കോട്ലന്ഡിലെ ഗ്ലാസ്ഗോയില് 31ന് ആരംഭിക്കുന്ന അന്താരാഷ്ട്ര കാലാവസ്ഥാ ഉച്ചകോടി നവംബര് 12വരെ നീളും.