KeralaLatestThiruvananthapuram
മഴക്കെടുതി നേരിടുന്നതിന് വില്ലേജ് ഓഫീസര്മാര്ക്ക് മുന്കൂര് പണം അനുവദിച്ചു
തിരുവനന്തപുരം: സംസ്ഥാനത്ത് മഴക്കെടുതി നേരിടുന്നതിന് വില്ലേജ് ഓഫീസര്മാര്ക്ക് ഇരുപത്തി അയ്യായിരം രൂപ വീതം മുന്കൂര് പണം അനുവദിച്ച് സര്ക്കാര് ഉത്തരവായി. ജില്ലാ കളക്ടര്മാര്ക്ക് ഇതു സംബന്ധിച്ച നിര്ദേശം നല്കി. ദുരിതാശ്വാസ ക്യാമ്പുകള് പെട്ടന്ന് തുറക്കേണ്ട സാഹചര്യമുണ്ടായാല് അതിനു വേണ്ടിയാണ് പണം അനുവദിച്ചത്. ഡിസംബര് 31 ന് മുമ്പ് ഇത് സംബന്ധിച്ച് കണക്ക് സമര്പ്പിക്കണമെന്നും ഉത്തരവില് വ്യക്തമാക്കുന്നു.
തെക്കന് തമിഴ്നാട് തീരത്ത് രൂപപ്പെട്ട ചക്രവാതച്ചുഴി കാരണം നാല് ദിവസത്തേക്ക് സംസ്ഥാന വ്യാപകമായി ഇടിമിന്നലോട് കൂടിയ മഴക്ക് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചിട്ടുണ്ട്. തൃശ്ശൂരില് ഇന്നലെ പെയ്ത മഴയില് ചാലക്കുടി പരിയാരത്ത് കപ്പത്തോട് കരകവിഞ്ഞൊഴുകി. പത്തോളം വീടുകളില് വെള്ളം കയറി.