യു.എ.ഇയും ഇസ്രായേലും വിദ്യാഭ്യാസ മേഖലകളില് കൈകോര്ക്കും
യു.എ.ഇയും ഇസ്രായേലും തൊഴിലധിഷ്ഠിത വിദ്യാഭ്യാസ മേഖലകളില് കൈകോര്ക്കാനൊരുങ്ങി. യു.എ.ഇയും ഇസ്രായേലും ഒപ്പുവെച്ച സമാധാന ഉടമ്പടിയുടെ (എബ്രഹാം അകോര്ഡ്) ഭാഗമായാണ് പുതിയ നീക്കം. ഇതുസംബന്ധിച്ച കരാറില് വിദ്യാഭ്യാസ മന്ത്രി ഹുസൈന് ബിന് ഇബ്രാഹിം അല് ഹമ്മാദിയും ഇസ്രായേല് വിദ്യാഭ്യാസ മന്ത്രി ഡോ. യിഫാത്ത് ഷാഹ ബിറ്റണും ഒപ്പുവെച്ചു.
ഇസ്രായേലിലെ യു.എ.ഇ സ്ഥാനപതി മുഹമ്മദ് മഹ്മൂദ് അല് ഖാജയും ചടങ്ങില് പങ്കെടുത്തു. തുടര് പ്രവര്ത്തനങ്ങള്ക്കായി സംയുക്ത സമിതി രൂപവത്കരിക്കാനും തീരുമാനിച്ചു.വിദ്യാര്ഥികള്ക്ക് ഇരുരാജ്യങ്ങളിലെയും സര്വകലാശാലകളില് പഠിക്കാനുള്ള അവസരം ഉണ്ടാവും. വിദഗ്ധരെ കൈമാറാനും പരിശീലനത്തിനും ഈ ധാരണപ്രകാരം വഴിയൊരുങ്ങും.