InternationalLatest
ഡ്രൈവര് രഹിത ടാക്സികള് നിരത്തുകളിലേക്ക്
അബുദാബിയില് ഡ്രൈവര്രഹിത ടാക്സികള് നിരത്തുകളിലേക്ക്. അബൂദബി യാസ് ഐലന്ഡിലാണ് ഡ്രൈവര്രഹിത ടാക്സിയുടെ പരീക്ഷണ സര്വിസ് ആരംഭിച്ചത്. യാസ് ഐലന്ഡിലെ ഒന്പതിടങ്ങളിലായി അഞ്ചു ഡ്രൈവറില്ലാ കാറുകളാണ് ആദ്യ ഘട്ടത്തില് സര്വിസ് നടത്തുകയെന്ന് പദ്ധതിക്ക് നേതൃത്വം നല്കുന്ന ബയാനത്ത് കമ്പനി സി.ഇ.ഒ ഹസന് അല് ഹൊസനി അറിയിച്ചു.
മൂന്ന് ഇലക്ട്രിക് വാഹനങ്ങളും രണ്ട് ഹൈബ്രിഡ് വാഹനങ്ങളുമാണ് ഡ്രൈവറില്ലാതെ നിരത്തിലിറങ്ങുന്നത്. ഹോട്ടലുകളില്നിന്നും റസ്റ്റാറന്റുകളില്നിന്നും ഷോപ്പിങ് മാളുകളില്നിന്നും യാസ് മാളിലെ ഓഫിസുകളില്നിന്നുമാണ് ഈ വാഹനങ്ങള് സര്വിസ് നടത്തുന്നത്.