![“Manju”](https://santhigirinews.org/wp-content/uploads/2020/04/YOUTUBE.jpg")
വെംബ്ലി: യൂറോ കപ്പ് സെമി ഫൈനലില്‍ സ്പെയിനെ കീഴടക്കി ഇറ്റലി ഫൈനലില്‍ പ്രവേശിച്ചു. പെനാല്‍റ്റി ഷൂട്ടൗട്ടില്‍ 4-2 എന്ന സ്‌കോറിനാണ് ഇറ്റലിയുടെ ജയം.
നിശ്ചിത സമയത്തും എക്‌സ്ട്രാ സമയത്തും ഇരു ടീമുകളും ഓരോ ഗോള്‍ വീതം നേടി സമനിലയില്‍ പിരിഞ്ഞതോടെയാണ് മത്സരം പെനാല്‍ട്ടി ഷൂട്ടൗട്ടിലേക്ക് നീണ്ടത്. ഗോള്‍കീപ്പര്‍ ജിയാന്‍ ലൂയി ഡോണറുമ്മയുടെ കരുത്തിലാണ് ഇറ്റലി ജയത്തിലേക്ക് കുതിച്ചത്. ഇറ്റലിക്കു വേണ്ടി ഫെഡറിക്കോ കിയേസയും സ്‌പെയിനു വേണ്ടി ആല്‍വാരോ മൊറാട്ടയുമാണ് ഗോള്‍ നേടിയത്.
പെനാല്‍ട്ടി ഷൂട്ടൗട്ടില്‍ ഇറ്റലിക്കു വേണ്ടി ആന്‍ഡ്രിയ ബെലോട്ടി, ലിയോണാര്‍ഡോ ബൊനൂച്ചി, ഫെഡറിക്കോ ബെര്‍ണാര്‍ഡ്‌സ്‌കി, ജോര്‍ജീന്യോ എന്നിവര്‍ ഗോള്‍ സ്വന്തമാക്കി. സ്‌പെയിനു വേണ്ടി ജെറാര്‍ഡ് മൊറേനോ, തിയാഗോ അലകാന്‍ടാറ എന്നിവര്‍ക്ക് മാത്രമേ സ്‌കോര്‍ നേടാന്‍ സാധിച്ചുള്ളു.
