InternationalLatest

കോവിഡിന്റെ പുതിയ വകഭേദം ഇസ്രയേലിലും

“Manju”

ജെറൂസലേം: ദക്ഷിണാഫ്രിക്കയില്‍ ആദ്യമായി റിപ്പോര്‍ട്ട്​ ചെയ്​ത കോവിഡ് വൈറസിന്റെ പുതിയ വകഭേദം ഇസ്രയേലിലും റിപ്പോര്‍ട്ട് ചെയ്‌തു. ഇസ്രയേല്‍ ആരോഗ്യമന്ത്രാലയം രോഗവിവരം സ്​ഥിരീകരിച്ചതായി പ്രമുഖ വാര്‍ത്താ ഏജന്‍സി റിപ്പോര്‍ട്ട്​ ചെയ്​തു.

‘ദക്ഷിണാ​ഫ്രിക്കയില്‍ കണ്ടെത്തിയ പുതിയ വകഭേദം ഇസ്രയേലിലും സ്​ഥിരീകരിച്ചു’ – മലാവിയില്‍നിന്ന്​ മടങ്ങിയെത്തിയ വ്യക്തിക്കാണ്​ രോഗം സ്​ഥിരീകരിച്ചതെന്നും വിദേശത്തുനിന്ന്​ മടങ്ങിയ രണ്ടുപേരില്‍ രോഗലക്ഷണങ്ങളുണ്ടെന്നും ഇവര്‍ നിരീക്ഷണത്തിലാണെന്നും ആരോഗ്യ മന്ത്രാലയം അറിയിച്ചു.

ഒട്ടനവധി തവണ പരിവര്‍ത്തനം സംഭവിക്കാന്‍ സാധ്യതയുള്ള കോവിഡിന്റെ പുതിയ വകഭേദമാണ്​ ദക്ഷിണാഫ്രിക്കയില്‍ കണ്ടെത്തിയതെന്ന്​ ശാസ്​ത്രജ്ഞര്‍ വ്യക്തമാക്കിയിരുന്നു. മാരകമായ രീതിയില്‍ രോഗവ്യാപനത്തിന്​ കാരണമാകുന്ന വകഭേദമാണെന്നാണ്​ കണക്കുകൂട്ടല്‍. ബി.1.1.529 എന്നാണ്​ പുതിയ വകഭേദത്തിന്റെ ശാസ്​ത്രീയ നാമം. അതെ സമയം ദക്ഷിണാഫ്രിക്കയില്‍ 22 പേരിലാണ്​ പുതിയ വകഭേദം സ്​ഥിരീകരിച്ചത്​.

Related Articles

Back to top button