കാട്ടാനയെക്കാണാന്‍ പോയ വിനോദസഞ്ചാരികള്‍ക്ക് പറ്റിയത്- വീഡിയോ

കാട്ടില്‍ വന്യമൃഗങ്ങളുടെ അടുത്ത് പോവരുത് എന്ന് ബന്ധപ്പെട്ടവര്‍ സ്ഥിരമായി പറയുന്നതാണ്.
സുരേന്ദര്‍ മെഹ്‌റ ഐഎഫ്‌എസാണ് വീഡിയോ പങ്കുവെച്ചത്. കാടും കാട്ടിലെ വന്യജീവികളെയും കാണാന്‍ സഫാരി ജീപ്പില്‍ എത്തിയ വിനോദസഞ്ചാരികള്‍ ആനയെ കണ്ട് വാഹനം ഉപേക്ഷിച്ച്‌ ഓടുന്നതാണ് വീഡിയോയുടെ ഉള്ളടക്കം.
ആനയെ പിന്തുടര്‍ന്ന് വീഡിയോ പകര്‍ത്താന്‍ ശ്രമിച്ച വിനോദസഞ്ചാരികള്‍ക്ക് നേരെ ആന തിരിയുകയായിരുന്നു. ആക്രമിക്കാന്‍ മുതിര്‍ന്ന കൊമ്ബനാനയെ കണ്ട് ഭയന്ന് ജീപ്പിലുണ്ടായിരുന്നവര്‍ ഇറങ്ങി ഓടുന്നിടത്താണ് വീഡിയോ അവസാനിക്കുന്നത്.
‘മൃഗങ്ങളെ അടുത്തുനിന്ന് കാണുന്നത് അവയക്ക് ഇഷ്ടമാണ് എന്ന് കരുതരുത്. അവ ഒരിക്കലും പ്രതികരിക്കില്ലെന്നും വിചാരിക്കരുത്. എപ്പോഴും വന്യമൃഗങ്ങളുമായി സുരക്ഷിത അകലം പാലിക്കാന്‍ തയ്യാറാവണം’- മുന്നറിയിപ്പോടെയാണ് സുരേന്ദര്‍ മെഹ്‌റ വീഡിയോ പങ്കുവെച്ചത്.

“If you can go very close to #WildAnimals , that doesn’t mean that they are happy to see you and won’t react one day…”
We need to ensure a safe distance between animals & tourists.. #ResponsibleTourism #GentleGiant #elephant #Wildlife @susantananda3 pic.twitter.com/1pGiRBcic7

— Surender Mehra IFS (@surenmehra) November 30, 2021