![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ: മ്യൂച്ചല്‍ഫണ്ടിലെ ഓഹരി ഐ.പി.ഒയിലൂടെ വില്‍ക്കാനൊരുങ്ങി സ്റ്റേറ്റ് ബാങ്ക് ഓഫ് ഇന്ത്യ .6 ശതമാനം ഓഹരികളുടെ വില്‍പന നടത്താനാണ് തയ്യാറടുക്കുന്നത്. എസ്.ബി.ഐ ഫണ്ട് മാനേജ്മെന്‍റ് പ്രൈവറ്റ് ലിമിറ്റഡിലെ ഓഹരികളാണ് ബാങ്ക് വിറ്റഴിക്കുക ഇതിനായി വിവിധ ഏജന്‍സികളുടെ അനുമതിക്ക് വേണ്ടി കാത്തിരിക്കുകയാണ് ബാങ്ക്.
എസ്.ബി.ഐ ഫണ്ട്സ് മാനേജ്മെന്റില്‍ 63 ശതമാനം ഓഹരിയാണ് എസ്.ബി.ഐക്ക് ഉള്ളത്. അവശേഷിക്കുന്ന ഓഹരികള്‍ പാരീസ് കേന്ദ്രമാക്കി പ്രവര്‍ത്തിക്കുന്ന അമുന്‍ഡി അസറ്റ് മാനേജ്മെന്റിന്റെ കൈവശമാണുള്ളത്. മ്യൂച്ചല്‍ഫണ്ടിലെ ഐ.പി.ഒയിലൂടെ 1 ബില്യണ്‍ ഡോളര്‍ സ്വരൂപിക്കാന്‍ ഈ വര്‍ഷം ഫെബ്രുവരിയില്‍ എസ്.ബി.ഐ തീരുമാനിച്ചിരുന്നു. ഈ ഓഹരികളുടെ ഇന്നത്തെ മൂല്യം ഏഴ് ബില്യണ്‍ ഡോളറാണ്.
ഐ.പി.ഒകളിലൂടെ വലിയ തുക സ്വരൂപിക്കാന്‍ എസ്.ബി.ഐ 2020 ല്‍ തന്നെ തീരുമാനിച്ചിരുന്നു. ഇതിന്റെ ഭാഗമായി എസ്.ബി.ഐ കാര്‍ഡിന്റെ ഐ.പി.ഒയിലൂടെ 10,340 കോടി സ്വരൂപിച്ചിരുന്നു. എസ്.ബി.ഐ ലൈഫിലൂടെ 8400 കോടിയും എസ്.ബി.ഐ സ്വരൂപിച്ചു.
ഇന്ത്യയിലെ ഏറ്റവും വലിയ ഫണ്ട് ഹൗസുകളില്‍ ഒന്നായ എസ്.ബി.ഐയുടെ ആസ്തി അഞ്ച് ലക്ഷം കോടിയാണ്. 862.7 കോടി എസ്.ബി.ഐ മ്യൂച്ചല്‍ഫണ്ടിലെ കഴിഞ്ഞ സാമ്പത്തിക വര്‍ഷത്തിലെ അറ്റാദായം.
