ഇല്ലായ്മയിലും മെഡിക്കല് റാങ്ക് തിളക്കത്തില് അഫ്സല്
നിലമ്പൂര്: അനുകൂല സാഹചര്യങ്ങളുടെ പരിമിതിയിലും നീറ്റ് മെഡിക്കല് പ്രവേശന പരീക്ഷയില് മികച്ച വിജയം നേടി മൈലാടി സ്വദേശി പാലത്തുംപടിയന് അഫ്സല്.
മൈലാടിയിലെ ആറ് സെന്റ് ഭൂമിയില് പഞ്ചായത്തിെന്റ സഹായത്തോടെ വീട് വെച്ചാണ് അഫ്സലിെന്റ കുടുംബം കഴിയുന്നത്. ഹൃദയസംബന്ധമായ അസുഖങ്ങളുള്ള പിതാവ് മുഹമ്മദ് അഖില് വഴിയോരങ്ങളില് റെഡിമെയ്ഡ് തുണിക്കച്ചവടം നടത്തുകയാണ്.
നേരത്തെ സ്വകാര്യ സ്കൂള് അധ്യാപികയായിരുന്ന മാതാവ് മൈമൂന ഇപ്പോള് ട്യൂഷന് എടുത്ത് ലഭിക്കുന്ന വരുമാനം മാത്രമാണുള്ളത്. എല്.കെ.ജി മുതല് ഏഴാം തരം വരെ അമല് ഇംഗ്ലീഷ് സ്കൂളിലും തുടര്ന്ന് പ്ലസ് ടു വരെ പീവീസ് മോഡല് സ്കൂളിലുമായിരുന്നു പഠനം. രണ്ടിടത്തും സ്കൂള് അധികൃതര് ഫീസിളവ് നല്കിയത് തുണയായി. അഖിലേന്ത്യ റാങ്കിന്റെ അടിസ്ഥാനത്തില് ഭോപ്പാല് എയിംസില് ചേര്ന്ന് പഠിക്കാനാണ് താല്പര്യം.