![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ (താനെ): തെരുവു നായ്ക്കള്‍ക്ക് ഹൗസിങ് കോംപ്ലക്സിനുള്ളില്‍ തീറ്റ നല്‍കിയതിന് വനിതക്ക് എട്ടുലക്ഷം രൂപ പിഴ. ഒരു ദിവസം തെരുവ് നായ്ക്കള്‍ക്ക് തീറ്റനല്‍കിയാല്‍ 5000 രൂപയാണ് പിഴയെന്നും ഈ പിഴ കുമിഞ്ഞുകൂടിയാണ് ഇത്രയും തുകയായതെന്നും അന്‍ഷു സിങ് പറയുന്നു. മറ്റൊരാള്‍ക്ക് ആറു ലക്ഷമാണ് പിഴ ചുമത്തിയിട്ടുള്ളത്.
തെരുവ് നായ്ക്കള്‍ക്ക് കെട്ടിട വളപ്പില്‍ തീറ്റ നല്‍കുന്നവര്‍ക്ക് പിഴ ചുമത്തുന്ന സമ്പ്രദായം ഈ വര്‍ഷം ജൂലൈയിലാണ് മാനേജ്മെന്‍റ് കമ്മിറ്റി ആരംഭിച്ചതെന്നും അവര്‍ പറയുന്നു.
അതേസമയം, കുട്ടികള്‍ ട്യൂഷന് പോകുമ്പോള്‍ തെരുവു നായ്ക്കള്‍ പിന്നാലെ കൂടുന്നതായും വയോധികര്‍ക്ക് പേടിക്കാതെ നടക്കാനാവുന്നില്ലെന്നും ഹൗസിങ് കോംപ്ലക്സ് സെക്രട്ടറി വിനീത ശ്രീനന്ദന്‍ പറയുന്നു. തെരുവ് നായ്ക്കള്‍ക്ക് ഭക്ഷണം ലഭിക്കുന്നതു കൊണ്ടാണ് അവ ഹൗസിങ് കോളനിയില്‍ കേന്ദ്രീകരിക്കുന്നതെന്നും അതൊഴിവാക്കാനാണ് പിഴ ചുമത്തുന്നതെന്നും അവര്‍ പറഞ്ഞു.
