InternationalLatest
33,000 വിമാന സര്വീസുകള് റദ്ദാക്കാനൊരുങ്ങി ലുഫ്താന്സ
ബര്ലിന്: ഒമിക്രോണ് ഭീഷണി ഉയരുന്ന സാഹചര്യത്തില് വിമാനസര്വീസുകള് കൂട്ടത്തോടെ റദ്ദാക്കാനൊരുങ്ങി ജര്മ്മന് വിമാന കമ്പനിയായ ലുഫ്താന്സ. ജനുവരി മുതല് ഫെബ്രുവരി വരെ ബുക്കിങ്ങില് വന്തോതില് കുറവ് അനുഭവപ്പെടുന്നുണ്ട്. പലരും ബുക്കിങ് റദ്ദാക്കുകയും ചെയ്യുന്നു. ഇതേ തുടര്ന്ന് 10 ശതമാനം ബുക്കിങ്ങുകള് റദ്ദാക്കാന് നിര്ബന്ധിതരായിരിക്കുകയാന്നെ് കമ്പനി സി.ഇ.ഒ അറിയിച്ചു. 33,000 വിമാന സര്വീസുകളെങ്കിലും റദ്ദാക്കേണ്ടി വരുമെന്നാണ് ലുഫ്താന്സയുടെ നിഗമനം.
ലുഫ്താന്സയുടെ പ്രധാന സര്വീസ് കേന്ദ്രങ്ങളായ ജര്മ്മനി, ബെല്ജിയം ,ആസ്ട്രിയ, തുടങ്ങിയ സ്ഥലങ്ങളില് കോവിഡ് വ്യാപനം വര്ദ്ധിക്കുന്നതാണ് ആശങ്കക്ക് കാരണം. ഒമിക്രോണ് കണ്ടെത്തിയതോടെ യു.കെ, ദക്ഷിണാഫ്രിക്ക തുടങ്ങിയ രാജ്യങ്ങളില് നിന്നുള്ള സന്ദര്ശകര്ക്ക് ജര്മ്മനി വിലക്കേര്പ്പെടുത്തിയിരുന്നു.