IndiaLatest

കാണ്‍പൂര്‍ റെയ്​ഡ്​; വിശദാംശങ്ങള്‍ പുറത്ത്

“Manju”

ലഖ്​നോ: ഉത്തര്‍പ്രദേശ്​ കാണ്‍പൂരിലെ ബിസിനസുകാരന്റെ വീട്ടിലും സ്ഥാപനങ്ങളിലും നികുതി വകുപ്പ്​ നടത്തിയ പരിശോധനയില്‍ പിടിച്ചെടുത്തത്​​ 200 കോടിയിലധികം രൂപയും സ്വര്‍ണവും.
പെര്‍ഫ്യൂം വ്യവസായിയായ പീയുഷ്​ ജെയിനിന്റെ കാണ്‍പൂരിലെയും ഉജ്ജയിനിലെയും വസതിയിലും സ്ഥാപനങ്ങളിലുമായിരുന്നു ജി.എസ്​.ടി, ആദായനികുതി വകുപ്പുകളുടെ പരിശോധന.
പീയുഷ്​ ജെയിനിന്റെ താമസസ്ഥലത്തുനിന്ന്​ 177.45 കോടിയുടെ കള്ളപ്പണമാണ്​ പിടിച്ചെടുത്തത്​. കനൗജിലെ ഫാക്ടറിയില്‍നിന്ന്​ 17 കോടി രൂപയും. സ്​റ്റേറ്റ്​ ബാങ്ക്​ ഓഫ്​ ഇന്ത്യ ജീവനക്കാരുടെയും നോട്ടെണ്ണല്‍ മെഷീനിന്റെ സഹായത്തോടെയാണ്​ പണം എണ്ണിത്തീര്‍ത്തത്​. 23 കിലോയുടെ സ്വര്‍ണക്കട്ടകള്‍ പിടിച്ചെടുത്തു.
കൂടാതെ പെര്‍ഫ്യൂം നിര്‍മാണത്തിന്​ ഉപയോഗിക്കുന്ന അസംസ്കൃത വസ്​തുക്കളും 600 കിലോയുടെ ചന്ദനത്തൈലവും ഒളിപ്പിച്ച നിലയില്‍ കണ്ടെത്തി. പിടിച്ചെടുത്ത ചന്ദനത്തൈലത്തിന്​ വിപണിയില്‍ ആറുകോടി രൂപ വിലവരും.
പിടിച്ചെടുത്ത സ്വര്‍ണ ബിസ്കറ്റില്‍ വിദേശത്തുനിന്നുള്ള മുദ്രകളുള്ളതിനാല്‍ ജി.എസ്​.ടി ഇന്‍റലിജന്‍സ്​ റവന്യൂ ഇന്‍റലിജന്‍സ്​ ഡയറക്​​ടറേറ്റിന്റെ സഹായം തേടി.
കള്ളപ്പണം പിടിച്ചെടുത്തതിന്​ പിന്നാലെ പീയുഷ്​ ജെയിനിന്റെ അറസ്റ്റ്​ രേഖപ്പെടുത്തിയിരുന്നു. 14 ദിവസത്തെ ജുഡീഷ്യല്‍ കസ്റ്റഡിയിലാണ്​ ഇപ്പോള്‍ ജെയിന്‍ ഉള്ളത്.

Related Articles

Back to top button