![“Manju”](https://santhigirinews.org/wp-content/uploads/2020/04/YOUTUBE.jpg")
രാജ്യത്ത് അടിയന്തിര ഉപയോഗത്തിന് അനുമതി ലഭിച്ച ബയോളജിക്കല്‍ ഇയുടെ ‘കോര്ബെവാക്സ്’ കോവിഡ് വാക്സിന്‍ കരുതല്‍ ഡോസ് ആയി ഉപയോഗിക്കുന്നതിന് പരീക്ഷണം നടത്താന്‍ ഡ്രഗ് കണ്‍ട്രോളര്‍ ജനറല്‍ ഓഫ് ഇന്ത്യ അനുമതി നല്‍കി.
പ്രാഥമിക വാക്സിന്‍ സീകരിച്ച ശേഷം ആറ്, ഒമ്പത് മാസങ്ങള്‍ കണക്കാക്കി രോഗ പ്രതിരോധശേഷി പഠിക്കണം, വിവിധ പ്രായത്തിലുള്ളവര്‍, 50 ശതമാനം ഗുരുതരരോഗങ്ങളുള്ളവര്‍ തുടങ്ങിയവരിലും പരീക്ഷണം നടത്തണമെന്നും കമ്ബനിക്ക് നിര്‍ദേശം നല്‍കി. ഭാരത് ബയോടെക്കിന്റെ കൊവാക്സിന് മൂന്നാം ഡോസ് പരീക്ഷണത്തിന് നേരത്തെ അനുമതി നല്‍കിയിരുന്നു.
പ്രോട്ടീന്‍ അധിഷ്ഠിത ആദ്യ ഇന്ത്യന്‍ വാക്സിനാണ് കോര്ബെവാക്സ്. ശരീരത്തിലെ പേശികളിലേക്ക് സൂചി ഉപയോഗിച്ചു നല്‍കുന്ന കോര്ബെവാക്സ് ആദ്യ ഡോസ് സ്വീകരിച്ച്‌ 28 ദിവസത്തിനുള്ളില്‍ രണ്ടാം ഡോസും സ്വീകരിക്കണം. ബയോളജിക്കല്‍ ഇ കമ്ബനിക്ക് 30 കോടി ഡോസ് വാക്സിന്‍ ഉല്‍പാദനത്തിന് കേന്ദ്രം 1,500 കോടി രൂപ മുന്‍കൂറായി അനുവദിച്ചിരുന്നു.
