മുംബൈ: മഹാരാഷ്ട്രയിലെ മുംബൈയില് 20 നില കെട്ടിടത്തിലുണ്ടായ തീപിടിത്തത്തില് രണ്ട് പേര് മരിച്ചു. 15 പേര്ക്ക് പരിക്കേല്ക്കുകയും ചെയ്തു.ശനിയാഴ്ച രാവിലെ ഏഴോടെയായിരുന്നു സംഭവം. മുംബൈയിലെ ടര്ഡിയോ ഏരിയയിലെ ഗോവാലിയ ടാങ്കില് ഗാന്ധി ആശുപത്രിക്ക് എതിര്വശത്തുള്ള ബഹുനിലകെട്ടിടമായ കമലയിലാണ് തീപിടിത്തം ഉണ്ടായത്.
പരിക്കേറ്റവരെ ഭാട്ടിയ ആശുപത്രിയില് പ്രവേശിപ്പിച്ചു. ഇവരില് മൂന്നുപേരുടെ നില ഗുരുതരമാണ്. അപകടസ്ഥലത്ത് രക്ഷാപ്രവര്ത്തനം പുരോഗമിക്കുകയാണ്. അഗ്നിശമനസേനയുടെ 13 യൂണിറ്റുകള് സ്ഥലത്ത് എത്തിയതായി റിപ്പോര്ട്ട്.