![“Manju”](https://santhigirinews.org/wp-content/uploads/2020/04/YOUTUBE.jpg")
ആഡംബരങ്ങളെല്ലാം ഒഴിവാക്കി കാസര്‍ഗോഡ് കുമ്പള പെരുതണ മുച്ചിലോട്ട് ഭഗവതി ക്ഷേത്രത്തില്‍ 19 യുവതീ യുവാക്കള്‍ വിവാഹിതരായി. വര്‍ഷത്തില്‍ രണ്ട് തവണ മാത്രം നടക്കുന്ന പെരുതണ സമൂഹ വിവാഹ ചടങ്ങില്‍ പങ്കാളികളാകാന്‍ നിരവധി പേരാണ് എത്തിയത്.
വിവാഹ ആഡംബരം വിമര്‍ശന വിധേയമാകുന്ന ഈ കാലത്ത് ഒരേ വേദിയില്‍ പല ജീവിതങ്ങള്‍ ഒത്തുചേരുകയാണ് ഇവിടെ. ദക്ഷിണേന്ത്യയില്‍ ആദ്യമായി സമൂഹ വിവാഹം ആരംഭിച്ചത് ഈ ക്ഷേത്ര അങ്കണത്തിലാണ്. ആയിരം രൂപ മാത്രമാണ് ക്ഷേത്രത്തിലെ ചിലവ്. വിവാഹ ചടങ്ങുകള്‍ക്കെത്തുന്നവര്‍ക്ക് ഭക്ഷണവും നല്‍കിയാണ് ആഘോഷങ്ങള്‍ അവസാനിക്കുന്നത്.
മീന മാസത്തിലെ സമൂഹ വിവാഹത്തില്‍ പത്തൊമ്പത് യുവതീ യുവാക്കള്‍ പുതിയ ജീവിതത്തിലേക്ക് പ്രവേശിച്ചു. ചന്ദ്രഗിരിക്ക് വടക്കുള്ള വാണിയ സമുദായ അംഗങ്ങള്‍ ഈ ക്ഷേത്രത്തില്‍വച്ച്‌ മാത്രമെ വിവാഹിതരാകാവുവെന്നാണ് ആചാരം. വിവാഹ ആര്‍ഭാടങ്ങള്‍ ഒഴിവാക്കുക മാത്രമല്ല, സ്ത്രീധനമെന്ന സാമൂഹിക വിപത്തിനെ പൂര്‍ണമായി അകറ്റി നിര്‍ത്തുകകൂടിയാണ് ഇതിലൂടെ ലക്ഷ്യമിടുന്നത്.
