ലഖ്നൗ: ഉത്തര്പ്രദേശ് മുഖ്യമന്ത്രിയായി യോഗി ആദിത്യനാഥ് സത്യപ്രതിജ്ഞ ചെയ്തു. തുടര്ച്ചയായ രണ്ടാം തവണയാണ് യോഗി മുഖ്യമന്ത്രിയാകുന്നത്. 37 വർഷത്തിന് ശേഷം ഇതാദ്യമായാണ് യുപിയിൽ ഒരു മുഖ്യമന്ത്രി അധികാരം നിലനിർത്തുന്നത്.പ്രധാനമന്ത്രി നരേന്ദ്രമോദി, കേന്ദ്രമന്ത്രിമാരായ അമിത്ഷാ, രാജ്നാഥ് സിംഗ്, ബിജെപി ദേശീയ അധ്യക്ഷൻ ജെപി നഡ്ഡ മറ്റു മുതിർന്ന നേതാക്കൾ, ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രി, ബോളിവുഡ് താരങ്ങൾ എന്നിവർ ലഖ്നൗ സ്റ്റേഡിയത്തിൽ നടന്ന സത്യപ്രതിജ്ഞാ ചടങ്ങിൽ സംബന്ധിച്ചു.
ലഖ്നൗവിലെ ബിഹാരി വാജ്പേയി ഏകാന ക്രിക്കറ്റ് സ്റ്റേഡിയത്തില് നടന്ന ചടങ്ങില് അമിത്ഷാ, ജെപി നദ്ദ എന്നിവരും പങ്കെടുത്തു. ഗവര്ണര് ആനന്ദിബെന് പട്ടേല് സത്യവാചകം ചൊല്ലിക്കൊടുത്തു. യോഗി ആദിത്യനാഥിന്റെ മന്ത്രിസഭയില് കേശവ് പ്രസാദ് ചൗര്യയും ബ്രേജേഷ് പാഠകും ഉപമുഖ്യമന്ത്രിസ്ഥാനം വഹിക്കും. ഇവരെ കൂടാതെ 50 മന്ത്രിമാരും ഉണ്ടാകും.