![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ : ദാദര്- പുതുച്ചേരി എക്സ്പ്രസിന്റെ മൂന്ന് കോച്ചുകള് പാളം തെറ്റി. വെള്ളിയാഴ്ച രാത്രി 9:45 ഓടെ മുംബൈയിലെ മാട്ടുംഗ സ്റ്റേഷന് സമീപത്താണ് അപകടം നടന്നത്. ദാദര് ടെര്മിനസില്നിന്ന് പുതുച്ചേരിയിലേക്ക് ട്രെയിന് പുറപ്പെട്ടതിന് തൊട്ടുപിന്നാലെയാണ് അപകടം. അപകടത്തില് ആര്ക്കും പരിക്കേറ്റിട്ടില്ലെന്ന് റെയില്വെ അധികൃതര് പറഞ്ഞു. പാളംതെറ്റിയ ട്രെയിന് മറ്റൊരു ട്രെയ്നില് ഉരസുന്നതിന്റെ വീഡിയോ ദൃശ്യങ്ങള് പുറത്തുവന്നിട്ടുണ്ട്.
