സര്വിസ് ആരംഭിച്ച് കുവൈത്ത് എയര്വേസ്
കുവൈത്ത് സിറ്റി: കുവൈത്ത് എയര്വേസ് പുതിയ കേന്ദ്രങ്ങളിലേക്ക് സര്വിസ് ആരംഭിച്ചു.മാഞ്ചസ്റ്റര്, ആംസ്റ്റര്ഡാം, കാസബ്ലാങ്ക, സലാല, മലാഗ, സരജെവോ, വിയന്ന, ഇസ്മിര്, മൈകൊനോസ്, നൈസ് എന്നീ നഗരങ്ങളിലേക്കാണ് പുതുതായി സര്വിസ് ആരംഭിച്ചത്. നിലവില് 57 വിദേശ നഗരങ്ങളിലേക്കാണ് കുവൈത്ത് എയര്വേസ് വിമാന സര്വിസ് നടത്തുന്നത്. കോവിഡ് വ്യാപനത്തിന് മുമ്പ് സര്വിസ് നടത്തിയിരുന്ന എല്ലാ കേന്ദ്രങ്ങളിലേക്കും വിമാനമയക്കാന് തയാറെടുക്കുന്നതായി അധികൃതര് വ്യക്തമാക്കി. അതത് രാജ്യങ്ങളിലെ വ്യോമയാന അധികൃതരുമായി ബന്ധപ്പെടുന്നുണ്ട്. സര്വിസ് മെച്ചപ്പെടുത്തിയും പുതിയ സ്ഥലങ്ങളിലേക്ക് സര്വിസ് ആരംഭിച്ചും കൂടുതല് ആളുകളെ ആകര്ഷിക്കാനാണ് പദ്ധതി. കോവിഡ് പ്രതിസന്ധിയെ തുടര്ന്നുള്ള യാത്രനിയന്ത്രണങ്ങള് ഏറ്റവും ബാധിച്ച മേഖലകളിലൊന്ന് വിമാനക്കമ്പനികളെയാണ്.