![“Manju”](https://santhigirinews.org/wp-content/uploads/2020/04/YOUTUBE.jpg")
ദോഹ: ഈ വര്‍ഷം അവസാനം ഖത്തര്‍ ആതിഥേയത്വം വഹിക്കുന്ന ഫിഫ വേള്‍ഡ്കപ്പ് ഫുട്ബോള്‍ ടൂര്‍ണമെന്റില്‍ ഖത്തര്‍ കാലാവസ്ഥാ സാങ്കേതിക വിദ്യ ആപ്ലിക്കേഷനുകള്‍ അവതരിപ്പിക്കും. കാലാവസ്ഥ വ്യതിയാനത്തിനെതിരായ പോരാട്ടത്തില്‍ ഖത്തര്‍ പ്രതിജ്ഞാബദ്ധമാണെന്നും, ദേശീയ വിഷന്‍ 2030 ന്റെ ചട്ടക്കൂടിനുള്ളില്‍ നിന്ന് ഈ പ്രശ്നം അഭിമുഖീകരിക്കുന്നതില്‍ ശ്രദ്ധ കേന്ദ്രീകരിക്കുമെന്നും അസി. വിദേശകാര്യ മന്ത്രിയുടെ കാര്യാലയത്തില്‍ ഇന്‍റര്‍നാഷനല്‍ റിലേഷന്‍സില്‍ ഗവേഷണം നടത്തുന്ന സാലിം ജാബിര്‍ അല്‍ ഹറമി പറഞ്ഞു.
ഫിഫയുടെ ചരിത്രത്തിലെ ആദ്യത്തെ കാര്‍ബണ്‍ ന്യൂട്രല്‍ ലോകകപ്പിനും ഖത്തര്‍ ആതിഥേയത്വം വഹിക്കുമെന്ന് അല്‍ ഹറാമി പറഞ്ഞു. പുറന്തള്ളുന്ന കാര്‍ബണ്‍ ഡൈ ഓക്സൈഡിന്റെ അളവ് കുറയ്ക്കുന്നതിനുള്ള ശ്രമങ്ങളും ഖത്തര്‍ ആരംഭിച്ചിട്ടുണ്ട്, പുനരുപയോഗിക്കാവുന്ന ഊര്‍ജ്ജ സ്രോതസ്സുകളില്‍ രാജ്യം വിശ്വാസം അര്‍പ്പിച്ചിട്ടുണ്ടെന്ന് അദ്ദേഹം പറഞ്ഞു.
