പഞ്ചാബ് മുഖ്യമന്ത്രി വിവാഹിതനാകുന്നു

ചണ്ഡീഗഡ്: പഞ്ചാബ് മുഖ്യമന്ത്രി ഭഗവന്ത് മാന്‍ വീണ്ടും വിവാഹിതനാകുന്നു.ചണ്ഡീഗഡിലെ വസതിയില്‍ നാളെയാണ് വിവാഹം. ഡോക്ടര്‍ ഗുര്‍പ്രീത് കൗര്‍ ആണ് വധു.അടുത്ത ബന്ധുക്കളും സുഹൃത്തുക്കളും മാത്രം പങ്കെടുക്കുന്ന ചടങ്ങില്‍ എഎപി നാഷണല്‍ കണ്‍വീനറും ഡല്‍ഹി മുഖ്യമന്ത്രിയുമായ അരവിന്ദ് കെജരിവാള്‍ പങ്കെടുക്കും. ഭഗവന്ത് മാന്‍ ആറുവര്‍ഷം മുന്‍പ് വിവാഹ മോചിതനായിരുന്നു.അദ്ദേഹത്തിന്റെ ആദ്യ ഭാര്യ ഇന്ദര്‍പ്രീത് കൗറും മക്കളും അമേരിക്കയിലാണ് താമസം. അദ്ദേഹത്തിന്റെ സത്യപ്രതിജ്ഞ ചടങ്ങിന് മക്കള്‍ എത്തിയിരുന്നു. അമ്മയുടെയും സഹോദരിയുടെയും നിര്‍ബന്ധത്തെ തുടര്‍ന്നാണ് ഭഗവന്ത് പുനര്‍ വിവാഹത്തിന് സമ്മതിച്ചെന്ന് അടുത്ത സുഹൃത്തക്കള്‍ പറഞ്ഞു.