മഞ്ഞണിഞ്ഞ് മലനിരകള്
സലാല: മണ്സൂണ്കാലം സജീവമായതോടെ സലാലയിലെയും പ്രാന്ത പ്രദേശങ്ങളിലെയും മലനിരകള് മഞ്ഞില് മൂടി. കഴിഞ്ഞ ദിവസം മുതല് സലാല ടൗണ് ഉള്പ്പെടെയുള്ള ഭാഗങ്ങളില് കാര്യമായ മഴയും ലഭിച്ചു തുടങ്ങിയിട്ടുണ്ട്. ചൂടുമാറി അന്തരീക്ഷം തണുത്ത് കാലാവസ്ഥ അനുകൂലമായതോടെ സലാലയിലേക്കുള്ള സന്ദര്ശകരുടെ വരവ് വര്ധിച്ചിട്ടുണ്ട്. പെരുന്നാള് അവധി ദിവസങ്ങളിലും തുടര്ന്നും ഒമാനിലെ ഇതര ഗവര്ണറേറ്റുകളില്നിന്നും ജി.സി.സി രാജ്യങ്ങളില്നിന്നുമുള്ള സന്ദര്ശകരുടെ ഒഴുക്ക് വര്ധിക്കും. കുറച്ചുദിവസങ്ങള്ക്കു മുമ്ബ് വരെയും വരണ്ടുണങ്ങി നിര്ജീവമായി കിടന്നിരുന്ന പ്രദേശങ്ങളിലൊക്കെയും സസ്യജാലങ്ങള്ക്ക് ജീവന്വെച്ച് തുടങ്ങിയിട്ടുണ്ട്. കുറച്ചുദിവസംകൂടി കഴിയുമ്പോഴേക്കും സലാലക്ക് ചുറ്റുമുള്ള മലനിരകളും താഴ്വാരങ്ങളും ഹരിതവര്ണമണിഞ്ഞ് സുന്ദരമാകും.