ആലപ്പുഴ : പോലീസുകാരുടെ കൈക്കരുത്തില് ചമ്പക്കുളം ചുണ്ടന് രാജപ്രമുഖന് ട്രോഫി. രണ്ടു വര്ഷത്തെ ഇടവേളയ്ക്കുശേഷം നടന്ന ചമ്പക്കുളം മൂലംവളളംകളിയുടെ ആവേശകരമായ ഫൈനലില് കേരളാ പോലീസ് ബോട്ട് ക്ലബ് തുഴഞ്ഞ ചമ്പക്കുളം ചുണ്ടന് ഒന്നാം സ്ഥാനം കരസ്ഥമാക്കുകയായിരുന്നു.
എം.സി. കുഞ്ഞപ്പനായിരുന്നു ചമ്പക്കുളം ചുണ്ടന്റെ ക്യാപ്റ്റന്. ബിജോമോന് ജോസഫിന്റെ നേതൃത്വത്തില് നടുഭാഗം ബോട്ട് ക്ലബ് തുഴഞ്ഞ നടുഭാഗം ചുണ്ടനാണ് രണ്ടാം സ്ഥാനം. കാരിച്ചാല് ബോട്ട് ക്ലബിന്റെ ജോര്ജ് ബൈജു ക്യാപ്റ്റനായ കാരിച്ചാല് ചുണ്ടന് മൂന്നാം സ്ഥാനം നേടി. ഹീറ്റ്സ് മല്സരങ്ങളില് രണ്ടാം സ്ഥാനത്തേക്കു പിന്തള്ളപ്പെട്ട ചുണ്ടന് വള്ളങ്ങളുടെ ലൂസേഴ്സ് ഫൈനലില് വാരിയേഴ്സ് ബോട്ട് ക്ലബിന്റെ വീയപുരം ചുണ്ടന് ഒന്നാമതായും പായിപ്പാട് ബോട്ട് ക്ലബിന്റെ ആയാപറമ്പ് പാണ്ടി രണ്ടാമതായും ഫിനിഷ് ചെയ്തു. ചുണ്ടന് വള്ളങ്ങളുടെ സെക്കന്റ് ലൂസേഴ്സ് ഫൈനലില് യുബിസി കൈനകരി തുഴഞ്ഞ ജവഹര് തായങ്കരി ആദ്യം ഫിനിഷിംഗ് പോയിന്റ് കടന്നു.