InternationalLatest
സിംഗപ്പുര് ഓപ്പണ്: സിന്ധു സെമിയില്
സിംഗപ്പുര് ഓപ്പണ് ബാഡ്മിന്റന് വനിതാ സിംഗിള്സില് ഇന്ത്യയുടെ പി.വി.സിന്ധു സെമിഫൈനലില് കടന്നു. ചൈനയുടെ ഹാന് യുവിനെ 17-21, 21-11, 21-19 എന്ന സ്കോറിനാണ് സിന്ധു ക്വാര്ട്ടറില് പരാജയപ്പെടുത്തിയത്.
ആദ്യ ഗെയിം നഷ്ടമാക്കിയ സിന്ധു രണ്ടാം ഗെയിമില് ചൈനീസ് താരത്തെ 11 പോയിന്റില് ഒതുക്കി. മൂന്നാം ഗെയിമില് മുന്നിട്ട് നിന്ന സിന്ധുവിനെ മറികടന്ന് ഒരു ഘട്ടത്തില് ഹാന് മൂന്ന് പോയിന്റ് ലീഡ് നേടിയിരുന്നു. എന്നാല് തകര്പ്പന് നെറ്റ് ഷോട്ടുകളിലൂടെ ലീഡ് പിടിച്ചെടുത്ത ഇന്ത്യന് താരം കളി സ്വന്തമാക്കി. സെമിഫൈനലില് സിന്ധു ജപ്പാന് താരം സയേന കവാകാമിയെ നേരിടും.