Kerala

ദേശീയ ചലച്ചിത്ര പുരസ്‌കാരം; ജേതാക്കളെ അഭിനന്ദിച്ച് പ്രമുഖ താരങ്ങൾ

“Manju”

തിരുവനന്തപുരം: ദേശീയ ചലച്ചിത്ര പുരസ്‌കാര ജേതാക്കളെ അഭിനന്ദിച്ച് പ്രമുഖ താരങ്ങൾ. മോഹൻലാൽ, സുരേഷ് ഗോപി, മമ്മൂട്ടി എന്നിവരാണ് അഭിനന്ദനങ്ങൾ നേർന്നത്. ഫേസ്ബുക്കിലൂടെയായിരുന്നു താരങ്ങൾ അഭിനന്ദനങ്ങൾ അറിയിച്ചത്.

ദേശീയ പുരസ്‌കാര ജേതാക്കൾക്ക് പ്രത്യേകിച്ച് മികച്ച അഭിനേതാക്കളായ സൂര്യ, അജയ് ദേവ്ഗൺ, അപർണ ബാലമുരളി, ബിജു മേനോൻ, നഞ്ചിയമ്മ എന്നിവർക്ക് അഭിനന്ദനങ്ങൾ നേരുന്നുവെന്ന് മോഹൻ ലാൽ പറഞ്ഞു. അർഹിക്കുന്ന അംഗീകാരമാണ് ഇവർക്ക് ലഭിച്ചത്. മികച്ച സംവിധായകനുള്ള പുരസ്‌കാരം നേടിയ സച്ചിയെ ഈ നിമിഷം അഭിമാനത്തോടെ ഓർക്കുന്നുവെന്നും അദ്ദേഹം ഫേസ്ബുക്കിൽ കുറിച്ചു.

മികച്ച സഹനടനുള്ള പുരസ്‌കാരം നേടിയ ബിജു മേനോനാണ് സുരേഷ് ഗോപി അഭിനന്ദനങ്ങൾ നേർന്നത്. ഒറ്റക്കൊമ്പന്റെ ക്യാരക്ടർ പോസ്റ്ററിന് ഒപ്പം ആയിരുന്നു അദ്ദേഹം അഭിനന്ദനങ്ങൾ അറിയിച്ചത്.

ദേശീയ പുരസ്‌കാരത്തിൽ മലയാള സിനിമ മിന്നിത്തിളങ്ങിയതിൽ ഏറെ അഭിമാനമുണ്ടെന്ന് നടൻ മമ്മൂട്ടി പറഞ്ഞു. 68ാമത് ദേശീയ ചലച്ചിത്ര പുരസ്‌കാരം സ്വന്തമാക്കിയ എല്ലാ ജേതാക്കൾക്കും അഭിനന്ദനങ്ങൾ. വിജയികളുടെ പട്ടികയിൽ മലയാള സിനിമ മുന്നിട്ടു നിൽക്കുന്നത് കണ്ടപ്പോൾ ഏറെ അഭിമാനം തോന്നി. അപർണ ബാലമുരളി, ബിജു മേനോൻ, സെന്ന ഹെഗ്‌ഡേ, നഞ്ചിയമ്മ പുരസ്‌കാരം നേടിയ മറ്റ് ജേതാക്കൾ എന്നിവരെ ഓർത്ത് അഭിമാനം കൊള്ളുന്നു. ഈ സുന്ദര നിമിഷത്തിൽ സച്ചിയെ അഭിമാനത്തോടെ ഓർക്കുന്നുവെന്നും അദ്ദേഹം വ്യക്തമാക്കി.

Related Articles

Back to top button