നായ്ക്കള്ക്കായി ജിം തുറന്നു
നായ്ക്കള്ക്കായി യു.എ.ഇയിലെ ആദ്യത്തെ ജിം അബൂദബിയില് തുറന്നു. മന്സൂര് അല് ഹമ്മാദിയെന്ന സ്വദേശിയാണ് നായ്ക്കള്ക്ക് മാത്രമായി ജിം തുറന്നത്. ഇതിനുപുറമേ നായ്ക്കള്ക്ക് മറ്റ് ഉപകരണങ്ങളും പ്രോട്ടീനുകളും ഭക്ഷ്യവസ്തുക്കളുമൊക്കെ ഒരുക്കിയിട്ടുണ്ട്.
ജിമ്മില് വരുന്നത് നായ്ക്കള് ഇഷ്ടപ്പെടുമെന്നു പറയുന്ന മന്സൂര്, സാധാരണ നായ്ക്കള് ദിവസവും മൂന്നുകിലോമീറ്റര് വരെ ഓടുമെന്നും എന്നാല്, വീടുകളില് ഓമനിച്ചു വളര്ത്തുന്ന നായ്ക്കള് ഓടാറില്ലെന്നും ചൂണ്ടിക്കാട്ടുന്നു. ഇതാണ് വളര്ത്തുനായ്ക്കളുടെ ആരോഗ്യപ്രശ്നങ്ങള്ക്കും സ്വഭാവദൂഷ്യങ്ങള്ക്കും കാരണമെന്നും അദ്ദേഹം പറഞ്ഞു. ‘പോഷ് പെറ്റ്സ് ബ്യൂട്ടിക് ആന്ഡ് സ്പാ’എന്നാണ് ജിമ്മിന്റെ പേര്.