InternationalLatest
പൊളിച്ചുനീക്കല് നടപടി തുടങ്ങി
മക്ക: മക്ക മിസ്ഫല ഡിസ്ട്രിക്ടിലെ കിദ്വ വികസന പദ്ധതിക്കുള്ളില് സ്ഥിതിചെയ്യുന്ന പ്രദേശത്തെ കെട്ടിടങ്ങള് പൊളിക്കുന്നതിനും വസ്തുവകകള് ഒഴിപ്പിക്കുന്നതിനുമുള്ള നടപടികള് ആരംഭിക്കുന്നു. ആഗസ്റ്റ് 13ന് കെട്ടിടങ്ങള് പൊളിക്കലും നീക്കംചെയ്യലും ആരംഭിക്കുമെന്ന് മക്ക, മശാഇര് റോയല് കമീഷന് വ്യക്തമാക്കി. ഇതിന്റെ മുന്നോടിയായി അടുത്ത ദിവസങ്ങളിലായി പ്രദേശത്തെ കെട്ടിടങ്ങളിലേക്കുള്ള വെള്ളം, വൈദ്യുതി തുടങ്ങിയ സേവനങ്ങള് വിച്ഛേദിക്കുമെന്ന് അറിയിച്ചിട്ടുണ്ട്. നഷ്ടപരിഹാരത്തിനുള്ള കെട്ടിട ഉടമകള് അപേക്ഷ നല്കുന്നതിനുള്ള സംവിധാനം സംബന്ധിച്ച വിവരങ്ങള് ഉടന് പ്രഖ്യാപിക്കും. കിദ്വ പ്രദേശത്തെ പൊളിക്കലും നീക്കംചെയ്യലും പുനരാരംഭിക്കുന്നതിനുള്ള തീയതി മക്ക, മശാഇര് റോയല് കമീഷന് നേരത്തേ പ്രഖ്യാപിച്ചിരുന്നു.