ബെംഗളൂരു: ഇന്ത്യന് ക്രിക്കറ്റ് താരവും പാതി മലയാളിയുമായ റോബിന് ഉത്തപ്പ ക്രിക്കറ്റില് നിന്ന് വിരമിച്ചു. അന്താരാഷ്ട്ര–ആഭ്യന്തര മത്സരങ്ങളില് കളിക്കില്ലെന്ന് ഉത്തപ്പ വ്യക്തമാക്കി. വിദേശ ക്രിക്കറ്റ് ലീഗുകളില് കളിക്കാന് താത്പര്യമുണ്ടെന്നും ഉത്തപ്പ കൂട്ടിച്ചേര്ത്തു.
‘ എന്റെ രാജ്യത്തേയും സംസ്ഥാനത്തേയും പ്രതിനിധീകരിച്ച് കളിക്കാന് സാധിച്ചത് വലിയ അംഗീകാരമായി കരുതുന്നു. എല്ലാ നല്ല കാര്യങ്ങള്ക്കും ഒരു‘ അവസാനമുണ്ട്. ഞാന് ഇന്ത്യന് ക്രിക്കറ്റിന്റെ എല്ലാ ഫോര്മാറ്റില് നിന്നും വിരമിക്കുകയാണ്‘ –ഉത്തപ്പ സമൂഹമാധ്യമങ്ങളിലൂടെ കുറിച്ചു.
2007-ല് ട്വന്റി 20 ലോകകപ്പ് നേടിയ ഇന്ത്യന് ടീമിലംഗമായ ഉത്തപ്പ 2004-ല് അണ്ടര് 19 ലോകകപ്പ് നേടിയ ഇന്ത്യന് ടീമിലും കളിച്ചു. കൊല്ക്കത്ത നൈറ്റ് റൈഡേഴ്സ്, ചെന്നൈ സൂപ്പര് കിങ്സ് എന്നീ ടീമുകള്ക്കൊപ്പം രണ്ട് തവണ ഐ.പി.എല്. കിരീടം നേടാന് ഉത്തപ്പയ്ക്ക് സാധിച്ചു.