ഫിഫ ലോകകപ്പ് കയ്യെത്തും ദൂരെ എത്തിയിരിക്കുകയാണ്. ആരാധകരെല്ലാം ലോകകപ്പിനെ വരവേൽക്കാനുള്ള തയ്യാറെടുപ്പിലാണ്. ഈയവസരത്തിൽ ആരാധകർക്കായി ഒരു സമ്മാനവുമായെത്തുകയാണ് മോഹൻലാൽ. ഫിഫ ലോകകപ്പുമായി ബന്ധപ്പെട്ട സംഗീത ആൽബമാണ് മോഹൻലാൽ ഒരുക്കിയിരിക്കുന്നത്.
മോഹൻലാൽ സല്യൂട്ടേഷൻസ് ടു ഖത്തർ എന്ന നാല് മിനിറ്റ് ദൈർഘ്യമുള്ള വീഡിയോ സംഗീതവും വീഡിയോയും കോർത്തിണക്കിയാണ് തയ്യാറാക്കിയിരിക്കുന്നത്. ഈ മാസം 30ന് ഖത്തറിൽ വച്ച് ആൽബം പ്രകാശനം ചെയ്യും. മോഹൻലാൽ തന്നെയാണ് ഗാനം ആലപിച്ചിരിക്കുന്നതും അഭിനയിച്ചിരിക്കുന്നതും.
ചലച്ചിത്രസംവിധായകൻ ടി.കെ. രാജീവ് കുമാറും മ്യൂസിക് വീഡിയോക്ക് പിന്നിൽ പ്രവർത്തിച്ചിട്ടുണ്ട്. മലയാളത്തിന് പുറമേ മറ്റ് രണ്ട് ഭാഷകളിലുമായാണ് ഗാനം തയ്യാറാക്കിയിരിക്കുന്നത്. അറബിക്, ഇംഗ്ലീഷ് ഭാഷകളിൽ സബ്ടൈറ്റിലും നൽകിയിട്ടുണ്ട്.