IndiaLatest

സംസ്ഥാനങ്ങള്‍ക്ക് കൂടുതല്‍ സഹായവുമായി കേന്ദ്രസര്‍ക്കാര്‍

“Manju”

ശ്രീജ.എസ്

ന്യൂഡല്‍ഹി: കൊറോണ പ്രതിരോധത്തിന് സംസ്ഥാന-കേന്ദ്രഭരണ പ്രദേശങ്ങള്‍ക്ക് കേന്ദ്ര സര്‍ക്കാര്‍ 890.32 കോടി രൂപ കൂടി അനുവദിച്ചു. കൊറോണ പ്രതിരോധ പ്രവര്‍ത്തങ്ങള്‍ക്ക് നേരത്തെ പ്രഖ്യാപിച്ച പാക്കേജിന്റെ രണ്ടാം ഗഡുവാണിത്.

കേരളം, തമിഴ്‌നാട്, തെലങ്കാന, ആന്ധ്രാപ്രദേശ്, കര്‍ണാടക, മധ്യപ്രദേശ്, ഒഡീഷ, രാജസ്ഥാന്‍ തുടങ്ങിയ സംസ്ഥാനങ്ങള്‍ ഇതില്‍ ഉള്‍പ്പെടുന്നു. രോഗബാധിതരുടെ എണ്ണത്തെ അടിസ്ഥാനമാക്കിയാകും സഹായം. ഇത് പൊതുജനാരോഗ്യ സംവിധാനങ്ങളും ആരോഗ്യ രംഗത്തെ അടിസ്ഥാന സൗകര്യങ്ങളും ശക്തിപ്പെടുത്താന്‍ സംസ്ഥാനങ്ങള്‍ക്ക് ഉപയോഗിക്കാം.

കൊറോണ പ്രതിരോധത്തിനുള്ള മാനവ വിഭവശേഷിയുടെ പരിശീലനം, ശേഷി വര്‍ദ്ധിപ്പിക്കല്‍, ആരോഗ്യ പ്രവര്‍ത്തകര്‍ക്കും സന്നദ്ധപ്രവര്‍ത്തകര്‍ക്കും പ്രോത്സാഹനം നല്‍കല്‍ എന്നീ കാര്യങ്ങള്‍ക്കും തുക വിനിയോഗിക്കാം. പാക്കേജിന്റെ ആദ്യ ഗഡുവായ 3000 കോടി രൂപ 2020 ഏപ്രിലില്‍ നല്‍കിയിരുന്നു.

Related Articles

Back to top button