ആയുധം കടത്താന് അനുവദിക്കില്ലെന്ന് ഹംഗറി
ബുഡാപെസ്റ്റ്: ഹംഗറിയുടെ അധികാര സീമയിലൂടെ യുക്രെയ്നിലേക്ക് ആയുധം കൊണ്ടുപോകാന് അനുവദിക്കുകയില്ലെന്നു ഹംഗേറിയന് പ്രസിഡന്റ് വിക്ടര് ഒര്ബാന്.
യുക്രെയ്നുമായി 140 കിലോ മീറ്റര് അതിര്ത്തി പങ്കിടുന്ന ഹംഗറി യൂറോപ്യന് യൂണിയനിലും നാറ്റോയിലും അംഗമാണ്. പടിഞ്ഞാറന് യുക്രെയ്നിലെ ട്രാന്സ്കാര്പാത്യന് മേഖലയില് ഒരുലക്ഷത്തോളം ഹംഗേറിയന് വംശജര് താമസിക്കുന്നുണ്ട്.
അവരുടെയും രാജ്യത്തിന്റെയും സുരക്ഷയ്ക്ക് ആയുധം കടത്താന് അനുവദിക്കുന്നത് ഭീഷണിയാകുമെന്നാണ് ഒര്ബാന്റെ വാദം. റഷ്യയുടെ അധിനിവേശത്തെ ചെറുക്കാന് ഉപരോധം ഏര്പ്പെടുത്താനും ആയുധങ്ങള് നല്കാനുമുള്ള യൂറോപ്യന് യൂണിയന്റെ തീരുമാനത്തെ ഹംഗറിയും പിന്തുണച്ചുവെങ്കിലും പുടിനെ പൂര്ണമായും തള്ളിപ്പറയാന് ഹംഗറി തയാറായിട്ടില്ല