കായലോര വിനോദ സഞ്ചാരത്തിന്റെയും കയര് വ്യവസായത്തിന്റെയും പേരില് വിനോദ സഞ്ചാരികളുടെ മനസ്സില് ഇടം നേടിയ സ്ഥലമാണ് ആലപ്പുഴ.
ആലപ്പുഴ. വള്ളംകളിയാണ് ആലപ്പുഴക്കാരുടെ പ്രധാന വിനോദം. ആലപ്പുഴയില് പ്രധാനമായി കണ്ടിരിക്കേണ്ട സ്ഥലങ്ങള് ഏതൊക്കെയാണെന്ന് ഒന്ന് നോക്കിയാലോ :
മാരാരി ബീച്ച് : ആലപ്പുഴയില് നിന്ന് 11 കിലോമീറ്റര് അകലത്തിലാണ് ഈ ബീച്ച് സ്ഥിതി ചെയ്യുന്നത്. നാഷണല് ജിയോഗ്രാഫിക് സര്വെ അനുസരിച്ച് കേരളത്തിലെ ഏറ്റവും മികച്ച അഞ്ച് ഹമ്മോക് ബീച്ചുകളില് ഒന്നായി ഇതിനെ വിലയിരുത്തിട്ടുണ്ട്.
അമ്പലപ്പുഴ : ആലപ്പുഴയില് നിന്നും 13 കിലോമീറ്റര് അകലെയാണ് അമ്പലപ്പുഴ സ്ഥിതി ചെയുന്നത്, കയര് വ്യവസായമാണ് ഇവിടെയുള്ളവരുടെ പ്രധാന തൊഴില്. കേരളത്തിലെ പ്രധാനപ്പെട്ട 3 കൃഷ്ണക്ഷേത്രങ്ങളില് ഒന്നാണ് അമ്പലപ്പുഴ. എ. ഡി 1547 –ല് ചെമ്പകശ്ശേരി ദേവനാരായന് രാജാവാണ് ഈ ക്ഷേത്രം പണികഴിപ്പിച്ചിരിക്കുന്നത്. ഇവിടുത്തെ പാല്പ്പായസം എല്ലാവര്ക്കും പരിചിതമായിരിക്കും. ഒട്ടേറെപ്പേരാണ് എവിടെ സന്ദര്ശിക്കാനും പാല്പ്പായസം നുകരാനുമെത്തുന്നത്.
പാതിരാമണല് : വേമ്പനാട് കായലിലുള്ള ഒരു ചെറിയ ദ്വീപാണിത്. ഒരുപാട് ദേശാടനപക്ഷികളുടെ ഒരു വാസസ്ഥലം കൂടിയാണിവിടം. കുമരകത്തിനും തണ്ണീര്മുക്കം ബണ്ടിനും ഇടയില് ആണ് ഈ സ്ഥലം സ്ഥിതി ചെയ്യുന്നത്.
കുട്ടനാട് : ആലപ്പുഴയില് പ്രധാനമായ ഒരു വിനോദ കേന്ദ്രമാണ് കുട്ടനാട്. കേരളത്തിന്റെ നെല്ലറയാണ് കുട്ടനാട്. സമുദ്രനിരപ്പില് നിന്നും 500 ച.കി.മി ഓളം താഴ്ചയില് ആണ് കുട്ടനാട് സ്ഥിതിചെയുന്നത്.
ചമ്പക്കുളം : കുട്ടനാടന് മേഖലയില് പെട്ടൊരു ഭൂപ്രദേശമാണ് ചമ്പക്കുളം. ഇവിടുത്തെ പ്രധാന ഉത്സവമാണ് ചമ്പക്കുളം മൂലം വള്ളംകളി, നടുഭാഗം, കൊണ്ടാക്കല് തുടങ്ങിയ സ്ഥലങ്ങള് എവിടെയാണ് . നെടുമുടി പഞ്ചായത്തിലെ ഒരു പ്രധാനമായ പ്രേദേശമാണിത്.
പുന്നമട കായല് : വേമ്പനാട് കായലിലിന്റെ ഒരു ഭാഗമാണ് പുന്നമട കായല്. നെഹ്റു ട്രോഫി വള്ളംകളി നടക്കുന്നത് ഇവിടെയാണ്. വിദേശികളടക്കം ധാരാളം പേരെ ആകര്ഷിക്കുന്ന ഒരു വിനോദസഞ്ചാരകേന്ദ്രമാണിത്. തിരിച്ചു മടങ്ങാന് കഴിയാത്തവണ്ണം ആലപ്പുഴ നമ്മുടെ മനസ്സില് ഒരു സ്ഥാനം പിടിച്ചിരിക്കും.