ചൈന വിട്ട് ആപ്പിൾ ഇന്ത്യയിലേക്ക്, ഐഫോണ് SEയ്ക്ക് വിലകുറയും
മെയ്ക് ഇന് ഇന്ത്യാ ഉദ്യമത്തിനു ശക്തി ശക്തികൂട്ടുന്നതിന്റെ ഭാഗമായി ആപ്പിള് തങ്ങളുടെ പുതിയ ഐഫോണ് എസ്ഇ ഇന്ത്യയില് ഒരുമിച്ചുകൂട്ടിയെടുക്കാനുളള ശ്രമത്തിലാണെന്ന് വാര്ത്തകള്. ആപ്പിളിന് ഘടകഭാഗങ്ങള് നല്കുന്ന ഒരു കമ്പനിയോട് അവ ചൈനയില് നിന്ന് ഇന്ത്യയിലേക്ക് ഷിപ്പു ചെയ്യുന്ന കാര്യം ചര്ച്ചചെയ്തു കഴിഞ്ഞുവെന്നാണ് പറയുന്നത്. ഇതോടെ ആപ്പിളിനായി ഇന്ത്യയില് ഐഫോണ് നിര്മിക്കുന്ന ഫോക്സ്കോണ് തുടങ്ങിയ കരാര് കമ്പനികള്ക്കും ഘടകഭാഗങ്ങള് ലഭിക്കും. അങ്ങനെ വരുമ്പോള് ഇപ്പോള് നല്കുന്ന ഉയര്ന്ന ഇറക്കുമതി ചുങ്കം നല്കേണ്ടിവരില്ല. അങ്ങനെ സ്വാഭാവികമായും വില കുറയുമെന്നാണ് കരുതുന്നത്. ഇപ്പോള് പുതിയ ഐഫോണ് എസ്ഇയുടെ കുറഞ്ഞ മോഡലിന്റെ എംആര്പി 42,500 രൂപയാണെന്നാണ് പറയുന്നത്. ഐഫോണ് 2020 ഇങ്ങനെ നിര്മിച്ചാല് എത്ര വില കുറയുമെന്ന കാര്യം കണ്ടറിയേണ്ടിയിരിക്കുന്നു. കഴിഞ്ഞ ഏതാനും വര്ഷങ്ങളായി ആപ്പിള് ഇന്ത്യയില് ഐഫോണ് നിര്മിക്കുന്നുണ്ട്.