![“Manju”](https://santhigirinews.org/wp-content/uploads/2020/04/YOUTUBE.jpg")
ജര്‍മന്‍ ഫുട്ബാളിലെ എക്കാലത്തേയും പ്രസിദ്ധ ഇരട്ടകളായ ലാര്‍സ് ബെന്‍ഡറും സ്വെര്‍ ബെന്‍ഡറും ബൂട്ടഴിച്ചു. ബുന്‍ഡഴ്സ് ലിഗയില്‍ ബയേര്‍ ലെവര്‍കുസന്‍ താരങ്ങളായ ഇരുവരും ഒരുമിച്ചാണ് കളിനിര്‍ത്തുന്നതായി പ്രഖ്യാപിച്ചത്.
നാലുസീസണ്‍ ഒരുമിച്ച് കളിച്ചാണ് ഇരുവരും വിരമിക്കുന്നത്. നിരന്തരമായി തുടരുന്ന പരിക്കാണ് വിരമിക്കല്‍ തീരുമാനത്തിന് പിന്നില്‍. 32കാരായ ഇരുവരും ജര്‍മന്‍ ദേശീയ ടീമിനായും പന്തുതട്ടിയിട്ടുണ്ട്. ലാര്‍സ് 19 കളികളിലും സ്വെന്‍ 7 കളികളിലും ദേശീയ ജഴ്സിയണിഞ്ഞു.
2009-10 സീസണില്‍ 1860 മ്യൂണിക് ക്ലബിനായാണ് ഇരുവരും ബൂട്ടുകെട്ടി കളിക്കളത്തിലിറങ്ങിയത്. തുടര്‍ന്ന് സ്വെന്‍ ബോറൂസിയ ഡോര്‍ട്മുണ്ടിലേക്കും ലാര്‍സ് ലെവര്‍ക്യൂസനിലേക്കും പോയി. ഡോര്‍ട്മുണ്ടിലെ ദീര്‍ഘകാലത്തെ സേവനത്തിന് ശേഷം 2017ല്‍ സ്വെന്‍ ലെവര്‍ക്യൂസണിലെത്തി തുടര്‍ന്ന് ഇരുവരും ഒരുമിച്ചായിരുന്നു പന്ത് തട്ടിയത്.
ജര്‍മന്‍ ലീഗില്‍ ബയേണ്‍ മ്യൂണികിന് കനത്ത വെല്ലുവിളിയുമായി രണ്ടാം സ്ഥാനത്ത് തുടരുന്ന ലെവര്‍ക്യൂസന് ഇരുവരുടെയും വിരമിക്കല്‍ തിരിച്ചടിയാണ്. സ്വെന്‍ സെന്‍ട്രല്‍ മിഡ്ഫീല്‍ഡറായും ഡിഫന്‍സീവ് മിഡ്ഫീല്‍ഡറായും കളിക്കുമെങ്കില്‍ ലാര്‍സ് റൈറ്റ് ബാക്കായും ഡിഫന്‍സീവ് മിഡ്ഫീല്‍ഡറായും കളം നിറയും. 11 മിനുറ്റ് മുേമ്ബ ജനിച്ച ലാര്‍സാണ് ഇരട്ടകളില്‍ ‘ചേട്ടന്‍’.
