ഇന്ത്യയെ ഭയമാണെന്ന് തുറന്ന് സമ്മതിച്ച്  ഇമ്രാൻ ഖാൻ

ഇസ്ലാമാബാദ്: ഇന്ത്യയെ ഭയമാണെന്ന് തുറന്ന് സമ്മതിച്ച് പാകിസ്താൻ പ്രധാനമന്ത്രി ഇമ്രാൻ ഖാൻ. കഴിഞ്ഞ 73 വർഷത്തിനിടെ ഇന്ത്യയ്ക്ക് നരേന്ദ്ര മോദി സർക്കാരിനെ പോലെ കരുത്തരായ ഒരു സർക്കാർ ഉണ്ടായിട്ടില്ലെന്ന് ഇമ്രാൻ ഖാൻ പറഞ്ഞു. സമൂഹ മാദ്ധ്യമങ്ങളിൽ പ്രചരിക്കുന്ന ഒരു റാലിയുടെ വീഡിയോയിലാണ് ഇമ്രാൻ ഖാന്റെ തുറന്ന് പറച്ചിൽ.

ലാഹോർ ആസ്ഥാനമായി പ്രവർത്തിക്കുന്ന 92 എന്ന വാർത്താ ചാനൽ സംപ്രേഷണം ചെയ്ത ഇമ്രാൻ ഖാന്റെ റാലിയിലാണ് കേന്ദ്രസർക്കാരിനെ കുറിച്ച് പരാമർശിക്കുന്ന ഭാഗമുള്ളത്. വാജ്‌പേയ് മിതവാദിയാണെന്നും പാകിസ്താന്റെ ഇപ്പോഴുള്ള പിരിമുറുക്കത്തിന് കാരണം മോദിയാണെന്നും ടർക്കിഷ് ചാനലായ ‘എ ന്യൂസി’ന് നൽകിയ അഭിമുഖത്തിൽ ഇമ്രാൻ ഖാൻ പറഞ്ഞിരുന്നു.