പെട്രോളിയം ഉത്പ്പന്നങ്ങൾ ജിഎസ്ടിയുടെ പരിധിയിലേയ്ക്ക്

ന്യൂഡൽഹി: രാജ്യത്ത് പെട്രോൾ വില വർധന പിടിച്ചുനിർത്താനൊരുങ്ങി കേന്ദ്രസർക്കാർ. പെട്രോളിയം ഉത്പ്പന്നങ്ങളെ ജിഎസ്ടിയുടെ പരിധിയിൽ കൊണ്ടുവരുന്ന കാര്യത്തിൽ ജിഎസ്ടി കൗൺസിലാണ് അന്തിമ തീരുമാനം എടുക്കേണ്ടത്. ജിഎസ്ടി കൗൺസിലിനോട് ഇക്കാര്യം ആവശ്യപ്പെട്ടു കഴിഞ്ഞെന്ന് കേന്ദ്ര പെട്രോളിയം മന്ത്രി ധർമ്മേന്ദ്ര പ്രധാൻ പറഞ്ഞു.

രാജ്യത്ത് വർധിച്ചുവരുന്ന ഇന്ധന വില കുറയ്ക്കാൻ ഉടൻ നടപടിയുണ്ടാകുമെന്ന് കേന്ദ്ര ധനമന്ത്രി നിർമ്മല സീതാരാമൻ കഴിഞ്ഞ ദിവസം അറിയിച്ചിരുന്നു. ഇന്ധന വില ജിഎസ്ടിയുടെ പരിധിയിൽ കൊണ്ടുവരാൻ സാധിക്കും. ഇക്കാര്യത്തിൽ സംസ്ഥാനങ്ങളുമായി വിശദമായി ചർച്ച നടത്തേണ്ടതുണ്ട്. ഇന്ധന വില ജിഎസ്ടിയുടെ പരിധിയിൽ കൊണ്ടുവരുന്നതിന് ജിഎസ്ടി നിയമത്തിൽ തന്നെ വ്യവസ്ഥയുണ്ട്. ഇതിനായി പാർലമെന്റിൽ ഇനി പുതിയ ഭേദഗതി കൊണ്ടുവരേണ്ട ആവശ്യമില്ലെന്നും ധനമന്ത്രി പറഞ്ഞിരുന്നു.