വിനോദസഞ്ചാരികള് ഒഴുകുന്നു; ഇ-പാസ് നിര്ബന്ധമാക്കി ഹിമാചല് പ്രദേശ്
ഹിമാചല്പ്രദേശ്: വിനോദ സഞ്ചാരികളുടെ വര്ധ്നവിനെ തുടര്ന്ന് പുതിയ കൊവിഡ് മാര്ഗ നിര്ദേശങ്ങളുമായി ഹിമാചല് പ്രദേശ്. ആയിരക്കണക്കിന് ആളുകള് സംസ്ഥാനത്തെത്തിയതിനെത്തുടര്ന്ന് കോവിഡ് ഇ-പാസ് നിര്ബന്ധമാക്കി. മനോഹരമായ പര്വത നഗരങ്ങള്ക്കും റിസോര്ട്ടുകള്ക്കും പേരുകേട്ടതിനാല് വാരാന്ത്യത്തില് നിരവധി പ്രദേശങ്ങളില് വലിയ ഗതാഗതക്കുരുക്കാണ് സംഭവിക്കുന്നത്.
ആര്ടി-പിസിആര് നെഗറ്റീവ് സര്ട്ടിഫിക്കറ്റ് എന്ന നിര്ദേശം സര്ക്കാര് നീക്കം ചെയ്തിട്ടുണ്ടെങ്കിലും സഞ്ചാരികള് കോവിഡ് -19 മാര്ഗ്ഗനിര്ദ്ദേശങ്ങള് പാലിക്കണം. ഹിമാചല് പ്രദേശ് മുഖ്യമന്ത്രി ജയ് റാം താക്കൂര് പറഞ്ഞു. സര്ക്കാരിന്റെ കോവിഡ് മാനദണ്ഡങ്ങള് ലംഘിക്കാന് ആരെയും അനുവദിക്കില്ലെന്ന് താക്കൂര് പറഞ്ഞു.
കോവിഡ് ഇ-പാസ് സോഫ്റ്റ്വെയറിലെ രജിസ്ട്രേഷന് വഴി സംസ്ഥാനം സന്ദര്ശിക്കുന്നവരെ നിരീക്ഷിക്കുമെന്ന് താക്കൂര് പറഞ്ഞു. പാസ് അപേക്ഷകര് അവരുടെ വിവരങ്ങള് ഓണ്ലൈന് സംവിധാനത്തില് നല്കണമെന്നും അവരുടെ വരവിന്റെ വിശദാംശങ്ങള് ബന്ധപ്പെട്ട എല്ലാ അധികൃതരുമായും പങ്കിടുന്നുണ്ടെന്നും അദ്ദേഹം പറഞ്ഞു.