![“Manju”](https://santhigirinews.org/wp-content/uploads/2020/04/YOUTUBE.jpg")
സിനിമ ടിക്കറ്റുകള്‍ക്ക് സമീപകാലത്ത് വളരെ വലിയ രീതിയില്‍ വില ഉയര്‍ന്നിട്ടുണ്ട്
എന്നാല്‍ വര്‍ഷത്തിലൊരിക്കല്‍ കുറഞ്ഞ ടിക്കറ്റ് നിരക്കില്‍ സിനിമാ ആരാധകര്‍ക്ക് തീയേറ്ററിലെത്താം. മള്ട്ടിപ്ലെക്സ് അസോസിയേഷൻ ഓഫ് ഇന്ത്യ ആരംഭിച്ച ഒരു ക്യാംപയ്ന്റെ ഭാഗമായാണിത്. ദേശീയ സിനിമാ ദിനം എന്ന പേരില്‍ ഈ വര്‍ഷവും ഈ ഓഫര്‍ ലഭ്യമാണ്. അതിനാല്‍ തന്നെ പല‌രും കുടുംബത്തോടൊപ്പം സിനിമയ്ക്ക് പോകുന്നത് കുറച്ചിരിക്കുകയാണ്.
ഇത് അനുസരിച്ച്‌ വരുന്ന ഒക്‌ടോബര്‍ 13ന് രാജ്യമൊട്ടാകെയുള്ള നാലായിരത്തിലേറെ സ്ക്രീനുകളില്‍ 99രൂപയ്ക്ക് സിനിമ കാണാം. മള്ട്ടിപ്ലെക്സ് അസോസിയേഷന് കീഴിലുള്ള പിവിആര്‍ ഐനോക്സ്, സിനിപൊളിസ്, മിറാഷ്, സിറ്റിപ്രെെഡ്, ഏഷ്യൻ, മുക്ത എ 2, മൂവി ടെെം, വേവ്, എം 2 കെ, ഡിലെെറ്റ് തുടങ്ങിയ മള്ട്ടിപ്ലെക്സ് ശ്യംഖലകളിലാണ് ഈ ഓഫര്‍ ലഭ്യമാവുക.
ചലച്ചിത്രവ്യവസാത്തിന് ഉണര്‍വ് പകരുകയെന്ന ലക്ഷ്യത്തോടെ ആവിഷ്കരിച്ച ദേശീയ ചലച്ചിത്രദിനത്തിന്റെ ഭാഗമായി കഴിഞ്ഞ വര്‍ഷം ഒറ്റദിവസം 65ലക്ഷം ടിക്കറ്റുകളാണ് വിറ്റുപോയത്. ആ റെക്കോര്‍ഡ് ഇത്തവണ തകര്‍ക്കപ്പെടുമോ എന്നറിയാനുള്ള കാത്തിരിപ്പിലാണ് ഇതിന്റെ പ്രവര്‍ത്തകര്‍.
