LatestThiruvananthapuram

ഓണ്‍ലൈൻ കീം പരീക്ഷ ; ജൂണ്‍ ഒന്നുമുതല്‍

“Manju”

തിരുവനന്തപുരം: ഓണ്‍ലൈൻ എൻജിനിയറിങ് പ്രവേശനപരീക്ഷ (കീം) ജൂണ്‍ ഒന്നുമുതല്‍ ഒമ്പതുവരെ നടക്കും. ഈ വർഷം ആദ്യമായാണ് കേരളം ഓണ്‍ലൈൻ പ്രവേശനപരീക്ഷയിലേക്കു പ്രവേശിക്കുന്നത്. കേരളത്തിനുപുറമേ, ദുബായ്, മുംബൈ, ഡല്‍ഹി എന്നിവിടങ്ങളിലും പരീക്ഷാകേന്ദ്രങ്ങള്‍ ഉണ്ടായിരിക്കും.

സി-ഡിറ്റിനാണ് നിർവഹണച്ചുമതല. എൻജിനിയറിങ്ങിനു പുറമേ, ഫാർമസി കോഴ്‌സുകളിലേക്കുള്ള പ്രവേശനപരീക്ഷയും ഈ ദിവസങ്ങളില്‍ നടക്കുമെന്ന് പ്രവേശനപരീക്ഷാ കമ്മിഷണർ കെ. സുധീർ അറിയിച്ചു.

വിവിധ ഘട്ടങ്ങളിലായാവും പരീക്ഷ. നിലവില്‍ 140-200 കേന്ദ്രങ്ങളിലായി പരീക്ഷ നടത്താനാണ് നിശ്ചയിച്ചിട്ടുള്ളത്. എൻജിനിയറിങ് പരീക്ഷയ്ക്ക് മൂന്നുമണിക്കൂർ ദൈർഘ്യമുണ്ടാവും. 150 ചോദ്യങ്ങളുണ്ടായിരിക്കും. കണക്ക്-75, ഫിസിക്സ്-45, കെമിസ്ട്രി-30 എന്നിങ്ങനെയായിരിക്കും ചോദ്യങ്ങള്‍. ഒന്നരമണിക്കൂർ ദൈർഘ്യമായിരിക്കും ഫാർമസി പരീക്ഷയ്ക്ക്. ഒരുദിവസം ഒന്നോ രണ്ടോ പരീക്ഷയുണ്ടായിരിക്കും.

Related Articles

Back to top button