”സ്നേഹസംഗമം” പാലക്കാട്‌ , കോട്ടയം, പത്തനംതിട്ട, മലപ്പുറം ഏരിയകളില്‍ നടന്നു

ആശ്രമോചിതമായ ദൈനംദിന ചിട്ടകളും കർമ്മങ്ങളും വളര്‍ന്നുവരുന്ന വരും തലമുറയിലെ കുട്ടികളിൽ പരിചയപ്പെടുത്തുക എന്ന ലക്ഷ്യത്തോടെ ശാന്തിഗിരി ഗുരുമഹിമയുടെ ആഭിമുഖ്യത്തിൽ സ്നേഹസംഗമം” കൂട്ടായ്മ ഞായറാഴ്ച (16-6-2024) ന് നടന്നു. ശാന്തിഗിരി ആശ്രമം പാലക്കാട്‌ , കോട്ടയം, പത്തനംതിട്ട, മലപ്പുറം എന്നിവിടങ്ങളിലായിട്ടാണ് കൂട്ടായ്മ സംഘടിപ്പിച്ചത്. രാവിലെ 06.00മണിയുടെ ആരാധനയോടെ ആരംഭിച്ച ”സ്നേഹസംഗമ”ത്തിൽ ഗുരുഗീത, വ്യായാമം, കർമ്മം, പൂവും മുള്ളിനെ അധികരിച്ചുള്ള ഭാഗങ്ങൾ എന്നിവ ഉൾപ്പെടുത്തിയിരുന്നു. ഈ സ്നേഹസംഗമത്തിൽ സ്വാമി സ്നേഹാത്മ ജ്ഞാനതപസ്വി പാലക്കാട് ഏരിയയിലും, സ്വാമി ചിത്തശുദ്ധൻ ജ്ഞാനതപസ്വി കോട്ടയം ഏരിയയിലും, സ്വാമി ജനപുഷ്പൻ ജ്ഞാനതപസ്വി മലപ്പുറം ഏരിയയിലും , സ്വാമി പ്രകാശരൂപ ജ്ഞാനതപസ്വി പത്തനംതിട്ട ഏരിയയിലും ഗുരുമഹിമ കുട്ടികളോട് സംവദിച്ചു.