ന്യൂഡല്ഹി: സ്വാതന്ത്ര്യദിനത്തിന് മുന്നോടിയായി കൂടുതല് സുരക്ഷയൊരുക്കുന്നതിന്റെ ഭാഗമായി ചെങ്കോട്ടക്ക് മുന്നില് ഷിപ്പിങ് കണ്ടയ്നറുകള് നിരത്തി ഡല്ഹി പൊലീസ്. കഴിഞ്ഞ റിപബ്ലിക് ദിനത്തില് കര്ഷകര് ഡല്ഹിയിലേക്ക് നടത്തിയ മാര്ച്ച് സംഘര്ഷഭരിതമായിരുന്നു . സമരത്തില് പങ്കെടുത്ത ഒരു വിഭാഗം ആളുകള് ചെങ്കോട്ട വളഞ്ഞിരുന്നു . ഇതേതുടര്ന്നാണ് കൂടുതല് സുരക്ഷയൊരുക്കുന്നതെന്നാണ് പൊലീസ് അവകാശപ്പെടുന്നത് .
കണ്ടയ്നറുകള് പെയിന്റടിച്ച് ഭംഗിയാക്കുമെന്നും പൊലീസ് അറിയിച്ചു. അടുത്തിടെ ജമ്മുകശ്മീരില് ഉണ്ടായ ഡ്രോണ് ആക്രമണങ്ങളും ഇത്തരമൊരു നടപടി സ്വീകരിക്കാന് പൊലീസിനെ പ്രേരിപ്പിച്ചുവെന്നാണ് സൂചന .
സ്വാതന്ത്ര്യദിനത്തിന് മുന്നോടിയായി നേരത്തെ ഡല്ഹി വിമാനത്താവളത്തില് ബോംബ് വെച്ചിട്ടുണ്ടെന്ന വ്യാജ ഭീഷണിയും പൊലീസിന് ലഭിച്ചിരുന്നു. ഇതേ തുടര്ന്നാണ് സുരക്ഷ വര്ധിപ്പിക്കാന് കേന്ദ്ര സര്ക്കാര് തീരുമാനിച്ചത് .