![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ജിദ്ദ: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ പ്രഖ്യാപിച്ച ലോക്ക് ഡൗണ്‍ കാലത്തിന് ശേഷം സൗദി അറേബ്യയിലെ പള്ളികളില്‍ ഇന്ന് ജുമഅ നമസ്‌കാരവും ഖുതുബയും പുനരാരംഭിക്കും. ആദ്യ ജുമഅ പ്രസംഗം ആരോഗ്യ മുന്‍കരുതലുകളെക്കുറിച്ചായിരിക്കണമെന്ന് മതകാര്യ വകുപ്പ് മന്ത്രി ഡോ. അബ്ദുല്‍ ലത്തീഫ് ബിന്‍ അബ്ദുല്‍ അസീസ് ആലുശൈഖ് നിര്‍ദേശം നല്‍കി.
ആളുകള്‍ക്ക് ഉപകാരപ്രദമായ കാര്യങ്ങള്‍ സംബന്ധിച്ച്‌ ഉദ്ബോധിപ്പിക്കുന്നതില്‍ ജുമഅ പ്രസംഗത്തിന് വലിയ പ്രധാന്യമുണ്ട്. ഇതുകൊണ്ടാണ് ആദ്യ ജുമഅ പ്രസംഗം കോവിഡ് മുന്‍കരുതലുകളെക്കുറിച്ചായിരിക്കണമെന്ന് നിര്‍ദേശിച്ചതെന്നും മതകാര്യ വകുപ്പ് മന്ത്രി പറഞ്ഞു.
കൊവിഡിന്റെ പശ്ചാത്തലത്തില്‍ അടച്ചിട്ട രാജ്യത്തെ പള്ളികള്‍ ഞായറാഴ്ചയാണ് ജനങ്ങള്‍ക്കായി തുറന്നുകൊടുത്തത്. സാമൂഹിക അകലം പാലിക്കുന്നതടക്കമുള്ള കര്‍ശന മാര്‍ഗനിര്‍ദ്ദേശങ്ങളോടെയാകും ജുമഅ നമസ്‌കാരം.
