2028 ലോസ് ആഞ്ചല്സ് ഒളിമ്പിക്സിൽ ഇന്ത്യ മുന്പില് എത്തും
ശ്രീജ.എസ്
ന്യൂഡല്ഹി: 2028 ലോസ് ആഞ്ചല്സ് ഒളിമ്പിക്സിൽ ഇന്ത്യ ആദ്യ പത്തു സ്ഥാനങ്ങളില് ഒന്നു കരസ്ഥമാക്കുമെന്നു കേന്ദ്ര കായികമന്ത്രി കിരണ് റിജിജു. മോദി സര്ക്കാരിന്റെ പദ്ധതിയായ ടാര്ജറ്റ് ഒളിമ്പിക് പോഡിയം ജൂനിയര് സ്കീം ഉദ്ഘാടനം ചെയ്യുകയായിരുന്നു അദ്ദേഹം.
2028 ലോസ് ആഞ്ചല്സ് ഒളിമ്പിക്സില് മെഡല് നേട്ടത്തില് ആദ്യ പത്തു സ്ഥാനങ്ങളില് എത്തുകയാണ് ഇന്ത്യ ലക്ഷ്യം വയ്ക്കുന്നത്. ഇതിനായി പദ്ധതികളും പരിശീലനവും ആരംഭിച്ചു കഴിഞ്ഞതായും മന്ത്രി അവകാശപ്പെട്ടു.
ഇന്ത്യ ഒരു കായിക ശക്തിയാകുന്നത് എല്ലാ ഇന്ത്യക്കാരുടെയും സ്വപ്നമാണ്. അതിലേക്കാണു കേന്ദ്ര സര്ക്കാരും ലക്ഷ്യം വയ്ക്കുന്നത്. ലോസ് ആഞ്ചല്സ് ഒളിമ്പിക്സിനായി കുട്ടികളെ വാര്ത്തെടുക്കുന്നതിനാണു ടാര്ജറ്റ് ഒളിമ്പിക് പോഡിയം ജൂനിയര് പദ്ധതിയുടെ ലക്ഷ്യം.
10-12 വയസ് പ്രായമുള്ള കുട്ടികളെ ലക്ഷ്യമിട്ട് കേന്ദ്ര സര്ക്കാര് നടപ്പാക്കുന്ന പദ്ധതിയാണ് ടാര്ജറ്റ് ഒളിമ്പിക് പോഡിയം ജൂനിയര് സ്കീം. ഈ പദ്ധതിയിലൂടെ കായിക ആഭിമുഖ്യമുള്ള കുട്ടികളെ കണ്ടെത്തുകയും അവര്ക്കു പരിശീലനം നല്കുമെന്നും മന്ത്രി പറഞ്ഞു.