ശ്രീജ.എസ്
മനാമ: കോവിഡ് ബാധിതര്ക്ക് വീട്ടുനിരീക്ഷണത്തിന് അനുമതി നല്കാന് കോവിഡ് പ്രതിരോധത്തിനുള്ള കോര്ഡിനേഷന് സമിതി തീരുമാനിച്ചു. മെഡിക്കല് കമ്മിറ്റിയുടെ നിര്ദേശമനുസരിച്ചാണ് തീരുമാനം. ലക്ഷണങ്ങളില്ലാത്ത കോവിഡ് ബാധിതര്ക്കാണ് വീട്ടുനിരീക്ഷണത്തില് കഴിയാന് അനുവാദം നല്കിയത്. ലോകാരോഗ്യ സംഘടനയുടെ നിര്ദേശങ്ങളും മാനദണ്ഡങ്ങളും പാലിച്ചാണ് വീട്ടുനിരീക്ഷണത്തില് കഴിയേണ്ടത്. ഇലക്ട്രോണിക് വള അണിയുക, മാസ്ക്, കൈയുറ എന്നിവ ധരിക്കുക എന്നീ നിര്ദേശങ്ങള് രോഗികള് പാലിക്കണം.