IndiaInternationalLatest
ഇന്ത്യയുള്‍പ്പെടെ 7 രാജ്യങ്ങള്‍ക്ക് കുവൈത്ത് താൽക്കാലിക യാത്രാവിലക്ക് ഏര്‍പ്പെടുത്തി
![“Manju”](https://santhigirinews.org/wp-content/uploads/2020/04/YOUTUBE.jpg")
കുവൈത്ത് സിറ്റി: ഇന്ത്യയുള്‍പ്പെടെ ഏഴു രാജ്യക്കാര്‍ക്ക് കുവൈത്ത് താല്‍ക്കാലിക യാത്രാനിരോധനം ഏര്‍പ്പെടുത്തി. ഇറാന്‍, ബംഗ്ലാദേശ്, ഫിലിപ്പീന്‍സ്, ശ്രീലങ്ക, പാകിസ്താന്‍ എന്നിവയാണ് മറ്റു രാജ്യങ്ങള്‍.
ഈ രാജ്യങ്ങളിലേക്കോ ഈ രാജ്യങ്ങളില്‍ നിന്നോ ഉള്ള കുവൈത്ത് വിമാന സര്‍വീസുകള്‍ ആണ് താല്‍ക്കാലികമായി നിരോധിച്ചിരിക്കുന്നത്.അതേസമയം, യാത്ര വിലക്കിന് കാരണമെന്തെന്ന് ഇന്ത്യന്‍ എംബസിയോ കുവൈത്ത് അധികൃതരോ വ്യക്തമാക്കിയിട്ടില്ല.
കൊവിഡിന്റെ പശ്ചാത്തലത്തില്‍ കുവൈത്ത് രാജ്യാന്തര വിമാനത്താവളത്തില്‍ നിര്‍ത്തിവെച്ച വിമാനസര്‍വീസുകള്‍ ഓഗസ്റ്റ് 1 മുതല്‍ പുനരാരംഭിക്കാനിരിക്കെയാണ് ഈ തീരുമാനം.
ഏഴ് രാജ്യങ്ങള്‍ ഒഴിച്ചുള്ള രാജ്യങ്ങളില്‍ നിന്നും തിരിച്ചും യാത്ര ചെയ്യാനുള്ള അനുമതി നല്‍കിയിട്ടുണ്ട്.
