ശ്രീജ.എസ്
തിരുവനന്തപുരം : ഇനിമുതല് ട്രെയിന് പുറപ്പെടുന്നതിന് അരമണിക്കൂര് മുൻപ് വരെ ടിക്കറ്റ് ബുക്ക് ചെയ്യാമെന്ന് റയില്വേ. ഒക്ടോബര് പത്തുമുതല് ഈ ക്രമീകരണം നടപ്പാക്കും. ഓണ്ലൈനിലും ടിക്കറ്റ് റിസര്വേഷന് കൗണ്ടറുകളിലും അരമണിക്കൂര് മുൻപ് വരെ ടിക്കറ്റ് ലഭിക്കുമെന്ന് റെയില്വേ അറിയിച്ചു.
പുതിയ നിര്ദേശത്തിന്റെ അടിസ്ഥാനത്തില് രണ്ടാം റിസര്വേഷന് ചാര്ട്ട് ട്രെയിന് പുറപ്പെടുന്നതിന് അരമണിക്കൂര് മുൻപ് മാത്രമേ തയ്യാറാക്കൂ. അതുവരെ ടിക്കറ്റ് ബുക്ക് ചെയ്യാം
കോവിഡ് പ്രതിസന്ധിയെ തുടര്ന്ന് നിര്ത്തിവെച്ചിരുന്ന ട്രെയിനുകള് പ്രത്യേക സര്വീസുകളായി പുനഃരാരംഭിച്ചപ്പോള് രണ്ട് മണിക്കൂര് മുന്നേ റിസര്വേഷന് നിര്ത്തിയിരുന്നു.