![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: രാജ്യത്ത് കോവിഡ് വാക്സിന് വിതരണത്തിന് പുത്തന്‍ പരീക്ഷണവുമായി മോദി സര്‍ക്കാര്‍ .ഡ്രോണുകളുടെ സഹായത്തോടെ കോവിഡ് വാക്സിന് വിതരണം ചെയ്യാനാണ് കേന്ദ്രസര്‍ക്കാര്‍ തയ്യാറെടുക്കുന്നത് .
എത്തിച്ചേരാന്‍ പ്രയാസമുള്ള പ്രദേശങ്ങളിലാണ് ഇത്തരത്തില്‍ ഡ്രോണുകളുടെ സഹായത്തോടെ വാക്സിന് വിതരണം നടത്തുക. കാണ്‍പൂര്‍ ഐ.ഐ.ടി ഇതിനെ കുറിച്ച്‌ പഠനം നടത്തിയിരുന്നു. ഈ പഠനത്തില്‍ ഡ്രോണിന്റെ സഹായത്തോടെയുള്ള വാക്സിന് വിതരണം സാധ്യമാണെന്ന് കണ്ടെത്തിയിരുന്നു. ചിലയിടങ്ങളില്‍ ഡ്രോണുകളുടെ സഹായത്തോടെ വാക്സിന് വിതരണം നടത്തുന്നതിനായി കമ്പനികളെ സര്‍ക്കാര്‍ തേടിയിട്ടുണ്ട്. നിലവില്‍ തെലങ്കാനയാണ് ഇത്തരത്തില്‍ വാക്സിന് വിതരണം നടത്തുക .
പരമാവധി 35 കിലോ മീറ്റര്‍ സഞ്ചരിക്കാന്‍ കഴിയുന്ന ഡ്രോണുകളാവും വാക്‌സിനേഷന്‍ യജ്ഞത്തിനായി ഉപയോഗിക്കുക. 100 മീറ്റര്‍ ഉയരത്തില്‍ വരെ ഇവക്ക് പറക്കാന്‍ സാധിക്കും . ഇതിനായി താല്‍പര്യപത്രമാണ് കേന്ദ്രസര്‍ക്കാര്‍ ക്ഷണിച്ചിരിക്കുന്നത്. വൈകാതെ ഇക്കാര്യം നടപ്പാക്കാനാകുമെന്നാണ് പ്രതീക്ഷിക്കുന്നത്.
